Այս էջը սրբագրված է
ծելով գլուխդ մեկ կողմե դուն կը քալես, մյուս կողմեն ալ կովը մազերդ կը կտրե։
— Կովը չը՞հասկնար, թե մարդ ես։
— Գիշերը ի՞նչպես պիտի հասկնա։
— Քալելեդ չը՞հասկնար։
— Կարծեմ հիշողությունդ շատ տկար է. քիչ մը առաջ
չըսինք, որ գետիններն ալ կը քալեն հոս։
Բնիկ կիները գեղջկական կյանք կը վարեն. ո՛չ պճնասիրություն
գիտեն, ո՛չ բամբասանք և ո՛չ արտասահմանյան
պտույտ։
Օդափոխության համար ուրիշ թաղերեն եկողներն ալ ծովեզերքին
վրա պտըտելեն և կոշիկ հինցունելեն զատ՝ գործ
տեսած չունին։ Ծովեզերքին վրա շաբաթ և կիրակի իրիկունները
շատ բազմություն կ՝ըլլա: Այս հրապարակն բոլոր մյուս
գեղերու հրապարակներեն ամենեն պարկեշտն է։
Կղզվույն օդն այնչափ մաքուր և առողջարար է, որ եթե
բժիշկ մը գա հոն՝ երկու օրվան մեջ կը մեռնի... անոթութենեն։
