— Աս ալ այս գիշեր ելավ, Մերկեր աղա, աղան ի՞նչ ըրած ունի... վայ մեղքիս... ես չախեցի յա՛, հերիք է։
— Պապանձե՛, Երվանդ։
— Տեր ողորմյա, տեր ողորմյա, երկու կտոր միս կերա,
կռնակս գնաց։
— Սա խնձորեն կուտե՞ք, տիկին, կըսե Ղուկաս աղան՝
խնձոր մը տալով տիկնոջ։
— Երվանդ, լռե՛, կը կրկնե Մերկեր աղան քիչ մալ բարձրացնելով
ձայնը։
— Երվանդ ալ բարձր ձայնով կսկսի լալ։
Մերկեր աղան երկու թեթև ապտակ կը հանե տղուն։ Տղան
հեկեկանոք կուլա։ Մայրն կը գրկե տղան և սեղանեն կելնե
բարկությամբ։
Ղուկաս աղան, որ այս միջոցին յուրաքանչյուր խնձորն
կիսագունտի բաժնելով կուտեր, տանը տիկնոջ բարկությամբ
սեղանեն ելնելուն վրա Մերկեր աղային կը դառնա ու կըսե.
— Կարծեմ տիկինը բարկացավ քիչ մը, իրավունք ալ ունի.
տղա է, կուլա. լալով կը մեծնան անոնք, մեր տղաքն ալ շատ
կուլան։
— Ես չեմ ուզեր, որ լան։
— Ի՞նչ օգուտ։
— Ես կը կատղիմ, աս է բնավորությունս. ամոթ չէ յա՛։
— Ինչո՞ւ ամոթ ըլլա. իմ ըսելիքս ալ սա է, որ ինչո՞ւ պարապ
տեղը տիկինն ալ վշտանա։
— Վնաս չունի։
— Վեր երթանք ու հաշտեցնեմ ձեզի։
— Չկռվեցանք, որ հաշտվինք։
— Քալե դուն, քալե՛։
— Ձգե, եղբայր, կատակի ժամանակ չէ։
— Քալե դուն, քալե՛... պարապ բան է ձեր ըրածը, տիկնոջդ
սիրտը առ, մեղք է։ Ձեզի չհաշտեցուցած, սըկե հունա
չեմ կրնար երթար ես։
Ղուկաս աղան բազուկները տարածելով՝ փառք քեզ Աստված
մը կարտասանե մեծաձայն, սեղանեն կելնե և ընկերակ-