թային ճաշելու, ուստի տունեն դուրս ելնելուն պես միտքը դրավ հիշյալ ճաշարանն երթալու։
Հազիվ թե քանի մի քայլ առավ, հիսուն տարեկան նիհար
և պատռտած հագուստներով մեկը դեմն ելավ։
— Կարծեմ Աբիսողոմ աղա հրամանքնիդ եք։
— Այո՛, ես եմ:
— Քանի մը վայրկյան ձեզի հետ տեսնվիլ կը փափագեի:
— Է:
— Նոր եղանակով նոր դասագիրքեր հանած եմ, անոնցմե
հարյուրի չափ ձեզի տալ կուզեի, ներեցե՛ք համարձակությանս,
ի՜նչ ընենք, այս համարձակոլթյունը մեզի տվողն ազգն
է, որ չքաջալերեր յուր դասատուներն և թող կուտա, որ անոնք
խեղճ վիճակի մեջ ապրին։ Ա՜հ, եթե այսօր դասագիրքերը
չկարենամ քշել, տպարանապետը բանտը պիտի դնե զիս. դեռ
տպագրության և թուղթի ծախքը վճարած չեմ իրեն, և ամեն
օր կսպառնա ինձի։
— Դասագիրքն ի՞նչ պիտի ընեմ ես։
— Ձեր բարեկամներուն կուտաք. կաղաչեմ, խնդիրքս մի՛
մերժեր. վերական դահեկանեն վեց հարյուր դահեկան կընե,
և այդ գումարն ալ ձեզի համար մեծ բան մը չէ:
— Գաղղիական ճաշարանն ո՛ր կողմեն կ՝երթցվի։
— Ասկից կ՝երթցվի, սիրով կառաջնորդեմ ձեզի հոն:
— Շնորհակալ կ՝ըլլամ։
— Կը քալենք և կը խօսինք: Դասատուներն ազդին ծառաները
համարված են և ամենուն երեսեն ինկած, մինչդեռ
անոնք ազգին տերերն են։ Ազգ մը անոնցմով առաջ կերթա.
բայց ի՞նչ օգուտ, մեր մեջ քաջալերություն չկա: Դասատու
մը այսօր դպրոցի մը պաշտոնի կը կոչվի և քանի մօրեն կը
ճանբվի, վասնզի հոգաբարձուներեն մեկուն գետնեն բարև չէ
տվեր։ Եթե քանի մը ամիս պաշտոն վարե և ամսական ուզե՝
կը վռնտվի՝ ամսական ուզած ըլլալուն համար, և միշտ սա
խոսքերը կը լսե. «Ազգին ստակովը կապրիք, ազգին վրա
բեռ եղած եք» գացե՛ք, կորսվեցե՛ք»։ Ա՜հ, Աբիսողոմ աղա,
չէք գիտեր, թե ինչ կը քաշեն Պոլսո դասատուները. խեղճու—