— Տասը տարիե ի վեր է, որ բարոյական դպըոցի մը մեջ ազգին վարժապետություն կընեմ։
— Ի՞նչ փույթ ինձի։
— Ի՞նչ փույթ անոր, արձագանգ տվավ Մանուկ աղան։
— Եվ իրավունք ունիմ, կարծեմ, ինձի համար տրվելիք
ներկայացման ձեզի պես ազնիվ մեկն ալ հրավիրել։
— Ես պետք չունիմ։
— Ան պետք չունի, կրկնեց Մանուկ աղան։
— Եթե դուք օթյակ մը չեք ընդունիր, որո՞ւ ուրեմն տամ
օթյակի տոմսակներն։
— Ուր ուզես, հոն տար, ատ իմ խառնվելու բանս չէ։
— Ատ իր խառնվելու բանը չէ՛, տղա՛ս, ըսավ Մանուկ
աղան։
— Կաղաչեմ, մի մերժեք այս տոմսակն, եթե մերժելու
ըլլաք, զիս փողոցներու մեջ խայտառակ ընելու պատճառ
պիտի տաք։
— Գնա՛ բանդ, ես ձանձրացա այդ տեսակ խոսքեր մտիկ
ընելե։
— Ան ձանձրացավ այդ տեսակ խոսքեր մտիկ ընելե, հարեց
Մանուկ աղան։
— Ա՛հ, եթե ասկից ձեռնունաքն ետ դառնամ, իմ մահս
պիտի տեսնեմ։
— Քեզ մտիկ ընելու ժամանակ չունիմ։
— Քեզ մտիկ ընելու ժամանակ չունի, ըսավ Մանուկ
աղան։
— Մեկ ոսկիի բան է, ընդունեցե՛ք զայն, կաղաչեմ, մեծ
հուսով եկած եմ հոս, պարապ ետ մի դարձունեք զիս։
— Դուրս ե՛լ, գնա՛, Աստվածդ սիրես, քե՞զ մտիկ պիտի
ինենք հոս։
Սենյակին դուռը նորեն բացվեցավ, և մազերու մեջ ճերմակ
ինկած՝ հիսունը անցած մարդ մը ներս մտավ հանկարծ
և յուր խոսքերն Աբիսողոմ աղային ուղղելով՝
— Չե՞ս խպնիր դուն, հարցուր։