Էջ:Hagop Baronian, Collected works, vol. 4 (Հակոբ Պարոնյան, Երկերի ժողովածու, հատոր 4-րդ).djvu/161

Վիքիդարանից՝ ազատ գրադարանից
Jump to navigation Jump to search
Այս էջը սրբագրված է


Իրեն ի՞նչ պետք է ուրիշներուն բռնելիք ընթացքը. ինքը թո՛ղ ուզած ընթացքր բռնե. ուրիշներու գործին ինչո՞ւ կը խառնվի։


Եթե ես ըլլայի մյուս տերությանց տեղը՝ բռնելիք ընթացքս կը պահեի և չբռնելիք ընթացքս կը հայտնեի սա ծերունիին, որ հացին օխան երեք ու կեսի սկսավ մեզի կերցունել, որ երբ ստակ չգտնանք հաց առնելու և անոթութենե մեռնինք՝ ուրախությամբ պիտի պոռա.


— Ահա հիմա բարվոքեցավ քրիստոնեից վիճակը։


Աս ի՛նչ ձախող բարերարի հանդիպեցանք, Աստված իմ.


— Խիկար, ընկերություն մը կա, անգամ կուզե՞ս գրվիլ:


— Ստակ տալու համար է նե՝ չեմ գրվիր։


— Ստակ վաստկելու համար է։


— Շատ աղեկ, քանի բաժին ուզես նե՝ կը գրվիմ։


— Բաժին չուզեր, դուն պիտի մտնաս ընկերության մեջ և անոր մյուս անգամոց հետ պիտի աշխատիս։


— Ի՞նչ տեսակ գործ է։


— Աղեկ գործ է, գրեթե բոլոր մարդոց հիմակվան տեսած գործն է։


— Քիչ մը բացատրե՛ նայիմ։


— Ի՞նչ բացատրեմ, ասկից կելլաս Կեյվե կերթաս, հոն չերքեսներե և հույներե բաղկացյալ ընկերություն մը կա։


— Ի՞նչ կընե։


— Այս ընկերությունը ո՛ր տունը կը մտնա նե՝ մեջը ինչ կա, ինչ չկա կ՛առնե կը տանի։


— Ես ատանկ ընկերության մեջ չեմ մտնար։


— Հապա կ՛ուզես որ հանգիստ նստիս ոսկիներու մեջ խղդըվխ՞ս... գանձու պաշտոնյա ընեմ նե՝ կըլլա՞ս, մաքսատան տեսուչ ընեմ նե՝ կ՛ընդունի՞ս։


— Հա՛, հա՛, հա՛։


— Ինչո՞ւ խնդացիր։


— Ինչու չպիտի խնդամ՝ ատանկ գործեր իմ ձեռքես կուգա՞ն։


— Էյ, ինչ գործ կուգա քու ձեռքեդ։