Էջ:Hagop Baronian, Collected works, vol. 4 (Հակոբ Պարոնյան, Երկերի ժողովածու, հատոր 4-րդ).djvu/17

Վիքիդարանից՝ ազատ գրադարանից
Jump to navigation Jump to search
Այս էջը սրբագրված է


Ինչպես որ կը տեսնեք պարոն Հատիքա, ձեր այս խոսքերուն բոլորովին դեմ եմ. իսկ մյուս խոսքերուդ դալով՝ զանոնք ես ալ կընդունիմ[1]։


Քոսք մալ Տիոժենին:


Այս թշվառականը մեր դերասանաց տաճկերեն արտասանությանը չհավնելով՝ որոշեր է որ Ֆեներեն քանի մը հույն երիտասարդ և աղջիկ բերե և Բաբելոնի աշտարակը ներկայացնե տաճկերեն լեզվով։ Ո՞րչափ կը փափագեի որ ես ալ ներկա գտնվեի նույն խառնակութեան և... և... է... և քար մալ ես նետեի աշտարակին։


ՀԵՌԱԳՐԱԼՈԻՐՔ

<7>

Եվրոպայեն եկած հեռագրալրոց մեջեն կարևորները, մասնավոր սերվիս չունենալնուս համար, Պոլսո լրագրաց մեջեն կը քաղեմք։

Վիեննա, 2 օգոստոս.

Մրրիկ մելավ և հետո օդը զովացավ։

Աթենք, 4 օգոստոս.

Նիստերը գոցվելով, երեսփոխանը տուներնին կերթան կոր։ Լրագրաց լեզուն նպաստավոր է Լորիոմի խնդրույն։

Բարիզ, 6 օգոստոս.

Այս առավոտ երկու մարդ կռվեցան, որոնց մեկը թևեն վիրավորվեցավ։

Աթենք, 7 օգոստոս, իրիկուն.

Այս տարի Կորնթոսի չամիչնիս շատ ընտիր է, բայց դժբախտաբար քիչ է։


(Այս ստիպողական հեռագիրը կը պնդեն թե Ասիայի խմբագրին թղթակիցը քաշած է, և կըսեն թե շատ հավանական է, որ Ասիայի խմբագիրը մեծ օրտինո մը տված ըլլա այս ապրանքին համար)։

Բարիզ, 10 օգոստոս.

Զուլումը նորեն օրվան խնդիր եղավ։

Պարոն Հուլիոս Յանինոս հիվանդ է։

  1. Իր հոգվածին մեջ հերը հիշված խոսքերեն ուրիշ խոսք մը չկա: