Էջ:Hagop Baronian, Collected works, vol. 4 (Հակոբ Պարոնյան, Երկերի ժողովածու, հատոր 4-րդ).djvu/200

Վիքիդարանից՝ ազատ գրադարանից
Jump to navigation Jump to search
Այս էջը սրբագրված է


Մեծ գյուտ մը...


Բնական գիտությանց հմուտ մեկը փորձով հասկցեր է եղեր, որ գորտ մը առանց բան մը ուտելու հինգ տարի կապրի եղեր։


Ինչ մեծ գյուտ...


Ես վարժապետ մը կը ճանչնամ, որ առանց բան մը ուտելու քսան տարիե ի վեր կապրի կոր...


<61>

Տերություններն այս ժամուս ամեն բան մեկդի թողլով՝ Ռուսիան պատվավոր կերպով ետ քաշելու հնար մը կը փնտրեն կոր, որպեսզի խաղաղությունը չվրդովի։


— Այսչափ պատրաստություններ տեսա, կըսե Ռուսիան, այսչափ ծախք ըրի, հիմա պարապ ձեռքով ի՜նչպես ետ դառնամ, ամոթ չէ՜, պատվավոր կերպով ետ քաշվելու ճանբա մը ցցուցեք ինձի, ես ալ իմ պահանջումներս ետ առնեմ։


— Պատվավոր կերպով կրնաս ետ դառնալ, կը պատասխանե Անգղիան, որովհետև Թուրքիան ընդունեց բարեկարգությանց պետքը. որովհետև դեսպանաժողովն բոլորովին ապարդյուն չեղավ. որովհետև սահմանադրություն հրատարակվեցավ. այս բոլոր որ որովհետևները քեզի պատիվ կը բերեն։


— Ատոնք պարապ խոսքեր են, պատվավոր կերպով զիս ետ ղրկելու ճանբա մը կուզեմ ես. գոնե սա 56-ի դաշնադրությունը ավրենք. ի՜նչ կ՝ըլլա, խըյանեթ:


— Չըլլար, յավրուս:


— Ինչո՜ւ չըլլար խուզիս:


— Չըլլար, ըսինք ա՛։


— Անանկ է նե՝ ես ալ ետ չեմ քաշվիր։


— Ես ալ Թուրքիո ամբողջությունը կը պաշտպանեմ:


— Շատ աղեկ. մնաք բարով։


— Շատ աղեկ. երթաք բարով։


Ահա գործերը այս աստիճանի մեջ են... պատվավոր կերպով ետ քաշվելու ճանբա մը ցցունելու է եղեր մեկ մարդուն, որպես թե մենք իրեն ըսած ըլլայինք, որ ոտք ելնե։