Էջ:Hagop Baronian, Collected works, vol. 4 (Հակոբ Պարոնյան, Երկերի ժողովածու, հատոր 4-րդ).djvu/240

մը կը նայիս որ առտվանց գրասենյակդ երթալուդ պես՝ գրասեղանիդ վրա թուղթ մը կը գտնես. կառնես և կը կարդաս, «Նկատելով, որ Թատրոնը այս ինչ թվույն մեջ այս ինչ հոդվածը հրատարակած է, թվականես մինչև երեք ամիս դադարյալ պիտի մնա»։

Այս թուղթին վրտ կսկսիս երեք ամիս պտրտիլ Պոլսո փողոցները։

— Գոնե փողոցները մաքուր և կանոնավոր ըլլային... մարդս այնչափ հոգնություն չէր կրեր։ Բայց ինչո՞ւ պտըտիմ, երեք ամսվան համար գործ մը կը գտնամ։

— Ի՞նչ գործ։

— Նիկողոս մարգարեին պես գուշակություններ կընեմ. պատերազմի դաշտեն լուր կը գուշակեմ, Պասիրեթի կը տանիմ կը ծախեմ։

— Ստակ կուտա՞ մի։

— Ինչո՞ւ չպիտի տա... շատ նեղը մնամ նե՝ Բոթի կերթամ թորփիլ կը հանեմ, հատը մեկ ոսկիի կը ծախեմ։

— Հանողր հանեց զանոնք, ա՛լ չմնաց, որ հանես։

— Եղբա՛յր, դուն ալ բոլոր դռները կը գոցես կոր. քու հաշվովդ մարդս անոթութենե մեռնելու է։

— Ի՞նչ կարծեցիր հապա, աս Ժամանակի մեջ գործ գտնելը դյուրի՞ն բան է։

— Վիպասանություն մը կը գրեմ ու կը հրատարակեմ։

— Անոթի մնալու համար աղեկ գործ է։

— Վաճառականի մը քով գանձապետ կըլլամ, օրին մեկն ալ սնտուկը կառնեմ, կը փախչիմ։

— Զեռքեդ չգար։

— Ասոր վե՞րջը։

— Ասոր վերջը խելքդ ժողվելով անանկ հոդվածներ կը գրես, որ, մեկուն չեն դպչիր:

— Կաղաչեմ, խնդրո մը վրա երգիծական հոդված մը գրած ունի՞ս, որ մեկու մը չդպչի, գրած ունիս եթե անանկ բան մը՝ ցցուր ինձի, որ իբրև օրինակ առջևս դնեմ ու անոր հետևիմ։