Էջ:Hagop Baronian, Collected works, vol. 4 (Հակոբ Պարոնյան, Երկերի ժողովածու, հատոր 4-րդ).djvu/244

Վիքիդարանից՝ ազատ գրադարանից
Jump to navigation Jump to search
Այս էջը սրբագրված է


— Լրագրին մեկն ալ կըսե որ ռուսերը Քալաֆաթը գրավեր են։


— Այո՛։


— Բայց անցյալ օր մենք դրաված էինք Քալաֆաթը։


— Օր մր անոնք պիտի գրավեն, օր մը մենք, լրագրները երկու կողմին ալ խաթրը կը սեպեն կոր։


— Անգղիայեն ի՞նչ լուր։


— Պատերազմի պատրաստություն։


— Հապա դեռ. առջի օրն էր չեզոքություն հրատարակեց։


— Չեզոքությունը ջիղերուն դպած ըլլալու է...


— Ուրիշ ի՞նչ լուր ունիս։


— Ոտքի ամաններու առատություն. եթե լրագրաց տված լուրերուն մեջ չափազանցություն չկա՝ թշնամիեն առնված կոշիկները քանի մը տարի կը բավեն մեզի։


— Ես ալ այնպես կարդացի։


— Ըսել է, որ բուրթուբապուճ կը փախչին կոր։


— Այնպես կերևա։


— Կոչիկով փախչիլը թերևս անոնց մեջ վատություն կը համարվի, և անոր համար չփախած նախ կը նստին կոր կոշիկնին կը հանեն կոր ու վերջը կը փախչին կոր, կամ իրենց գալը չիմացնելու համար կոշիկնին թևերնուն տակը առած կուգան կոր։


— Հունաստանին համար չեզոք է ըսիր, բայց անիկա սահմանը անցնելով մեր հողը եկեր է։


— Այո՛, ավազակները հալածելու համար։


— Հիմա ելավ ավազակները հալածելու, և մանավանդ մեր երկիրը հալածելու, թող անդիի կողմ քշե։


— Ուրիշ ին՞չ լուր կարդացիր։


— Հացին գինը պիտի իջնա եղեր։


— Աժննար տե առնեինք և ուտեինք։


— Ուրիշ ի՞նչ գիտես։


— Ուրիշ բան մալ չգիտեմ։


— Մնաք բարով ուրեմն։


— Երթաք բարով։