Էջ:Hagop Baronian, Collected works, vol. 4 (Հակոբ Պարոնյան, Երկերի ժողովածու, հատոր 4-րդ).djvu/253

Վիքիդարանից՝ ազատ գրադարանից
Այս էջը սրբագրված է

Ռուս. — Դերասան ըլլալու մարդ ես եղեր։

Անգ. — Ռուրքիո ամբողջությունը պիտի պաշտպանեմ։


ՏԵՍԻԼ Դ

Անգ. — Բայց դուն չափը կանցունես կոր. գիտե՞ս։

Ռուս. — Ի՞նչ կա նորեն։

Անգ. — Ի՞նչ պիտի ըլլա. սա աղեկ գիտցիր որ եթե Կ. Պոլսո վրա քալելու ըլլաս՝ քուկին դլուխդ կը կոտրեմ հա՛: Դուն ինձի աղեկ նայե՛։

Ռուս. — Ատանկ բան մը կա՞։

Անգ. — Չեմ ըսեր թե կա, բայց թե որ անանկ բան մը ընելու ըլլաս՝ հետդ շատ գեշ կը վարվիմ հա. վերջեն չելնես ինձի բան մը ըսես, նայե՛ առաջուց քեզի ըսեմ տե...

Ռուս. — Հոգ մի ընեք։

Անգ. — Հիմար ըլլալու են ձեր զորապետները, որ միտքերնուն մեջ անանկ բան մը կ՝անցնեն. ըլլալո՞ւ բան է. աշխարհ տակն ու վրա կ՝ընեմ իրավ որ։

Ռուս. — Դուք անոնց խոսքերուն մի՛ հավատաք. անոնք դեռ տղա են։


Անդ. — Ատ ուրիշ խնդիր. Ռուրքիո ամբողջությունը պիտի պաշտպանեմ ես։

Ռուս. — Մեր միտքն ալ քրիստոնեից վիճակին բարվոքումն է։

Անգ. — Շատ աղեկ։

Ռուս. — Շնորհակալ եմ բարեկամ։


ՏԵՍԻԼ Ե

Անգ. — Ալ ասոր չեմ կրնար համբերել։

Ռուս. — Ո՞ր բանի:

Անգ. — Չէ՛, չէ՛ չեմ կրնար։

Ռուս. — Ըսե՛։

Անգ. — Ի՞նչ ըսեմ. կրնաս կարծել որ Հնդկաստանի ճանբան գոցելու ըլլաս և իմ շահուս վնաս հասցնես նե՝ ես ասանկ անտարբեր մնամ, ես, որ Թուրքիո ամբողջությունը պաշտպանելու պարտավոր եմ։

Ռուս. — Հնդկաստանի ո՞վ վնաս պիտի հասցունե։