Էջ:Hagop Baronian, Collected works, vol. 4 (Հակոբ Պարոնյան, Երկերի ժողովածու, հատոր 4-րդ).djvu/254

Վիքիդարանից՝ ազատ գրադարանից
Jump to navigation Jump to search
Այս էջը սրբագրված է


Անգ. — Եթե Հնդկաստանի վնաս մը տեսնամ՝ ան ատեն չեմ կրնար ասանկ անտարբեր մնալ, կը հասկնա՞ս։

Ռուս. — Կհասկնամ:

Անգ. — Ուրեմն միտքեդ հանե՝ Հնդկաստանի վնաս հասցունելու գաղափարը, եթե ոչ ամեն բան տակնուվրա կընեմ. Հնգկաստանի դպցունել տալ մի... ատ ըլլալու բան չէ։

Ռուս. — Մեր միտքեն ատանկ բան մը անցած չէ, մեր նպատակը միայն սա քրիստոնեից վիճակին բարվոքումն է։

Անգ. — Իմ ալ մինակ նպատակս Թուրքիո ամբողջությունը պահպանել է։

Ռուս. — Շնորհակալ եմ։


Անգ. — Ես ալ շնորհակալ եմ։

Ռուս. — Մնաք բարով։

Անգ. — Երթաք բարով, բայց սա խոսքս միտքեդ մի հաներ թե՝ Անգղիա չկրնար անտարբեր մնալ՝ երբ Հնգկաստանի վնաս մը տեսնե։

Ռուս. — Շատ աղեկ։

Անգ. — Երթաք բարով։

Խիկար. — (մեկուսի) Հնդկաստանի վնաս մը չտեսնե նե եղեր, Անգղիան տեղեն չպիտի շարժի եղեր։


ԽԻԿԱՐ Վ...ԻՆ ՀԵՏ

<79>

— Բարև, վսեմափայլ պեյ։


— Բարի եկար։ Սա աստղերը...


— Շատ ուրախ եղա իմանալով, որ նորեն խմբագրական ասպարեզ իջնալով ձեր քաղաքական խորհրդածություններով պիտի լուսավորեք զմեզ։


— Ո՞վ կարող է գիտնալ երկնիր երկայնությունը, լայնությունն և խումաշը, ո՜վ գիտցած է թե որչափ աստղ կա երկնից երեսը և որչափ երկնից կռնակը։


— Հիմա ամեն մարդ հացի խնդիրով զբաղած ըլլալով ուր որ քաղաքական լուր մը կամ հոդված մը տեսնե աչքը հոն կը դարձունե։