Էջ:Hagop Baronian, Collected works, vol. 4 (Հակոբ Պարոնյան, Երկերի ժողովածու, հատոր 4-րդ).djvu/256

Վիքիդարանից՝ ազատ գրադարանից
Jump to navigation Jump to search
Այս էջը սրբագրված է


— Ներեցեք մինչև որ երկնիր աստղերուն թիվը չգիտցվի, մինչև որ սյուրյուճիներու հայհոյությունը չվերնա, չեմ կրնար ուրիշ խնդրոց վրա խոսելով ժամավաճառություն ընել, աստղ և սյուրյուճի. ասոնք միայն կրնան զմեզ խաբել:


— Զարմանալի եք պեյ, ծամանակավ Մեճմուայի մեջ հայհոյեցիք, հայհոյեցիք, գործերնիդ լմնցուցիք և հիմա չեք ուզեր որ ուրիշները նույն ազատությունր վայելեն։ Կրնա՞ք ըսել թե շատերուն դասագիրք մը եղած չըլլա հին Մեճմուաները: Երկրորդ, հայհոյության համար տուգանք առաջարկելու հարկ չկա, որովհետև արդեն կա. ով որ զինքը մեկե մը անպատվյալ կը կարծե, հայհոյողին դեմ դատ վարելու և պատմել տալու իրավունքն ունի։ Կըսեն թե՝ զեղծում մը տուգանքով չվերցվիր այլ դաստիարակությամբ և այս ըսվածը դուք ալ ընդունած եք քանի որ սյուրյուճիներու, խայըխճիներու մեջ շատ կը գտնեք այս ախտը։ Թողունք հիմա սյուրյուճիները և խայըխճիներն ու...


— Հապա աստղե՛րը, աստղե՛րը...


— Աստղերուն գալովն անոնք ալ մեզի հետ մեկտեղ ստեղծված են. աստղերուն թիվն ալ այնչափ է, որչափ որ օրինակ կը գտնվի հոդվածներուդ մեջ։


— Իրավունք ունիս. ես օրինակը շատ կը գործածեմ, երկու խոսքին մեջ օրինակ մը ցույց կուտամ. աս իմ սովորությունս Է։ Հապա սյուրյուճինե՞րը:


— Այդ գործը դուք ինձի ձգեցեք, և սկսեցեք ձեր քաղաքական խորհրդածությանց։


— Սա սյուրյուհիներուն օձիքեն բռնե և թող մի տար մինչև որ առանց հայհոյելու խոսիլ սորվին։


— Շատ լավ։


<80>

Եթե պետք է հավատալ ստույգ աղբյուրներե առնված լուրերուն, կը հավաստեն թե Կորչաքոֆ իշխանը բոլոր կառավարությանց շրջաբերական ղրկելով՝ Դանուբի չեզոքություն չպահելուն դեմ սաստկապես բողոքեր Է։