Էջ:Hagop Baronian, Collected works, vol. 4 (Հակոբ Պարոնյան, Երկերի ժողովածու, հատոր 4-րդ).djvu/314

Վիքիդարանից՝ ազատ գրադարանից
Jump to navigation Jump to search
Այս էջը սրբագրված է


Չգիտենք, այլ մեզի հարցնողներուն հետևյալ ծանուցումը կը ներկայացնենք, որ էրմենի գաթոլիք Բաթրիքիոսնեսի հրատարակած է Թերնեմանը Էֆքյարի մեջ։


«Թեպետ և հակահասունյանք տասներկու հոգիե բաղկացյալ ժողով մը պիտի ունենան, բայց այս ժողովը միմիայն Իտարե Մենլիսի պիտի կոչվի և ոչ թե էրմենի գաթոլիքի Իտարե Մեճլիսի»։


Հապա ո՞ր ազգին Իտարե Մեճլիսին պիտի ըսվի։


Ան ինձ չվերաբերիք, կը պատասխանե Հասուն գերապայծառությունը, միայն թե էրմենի գաթոլիքի չպիտի ըսվին:


— Հողաթափդ պագնենք գերապայծառ Հասունյան, թո՛ղ տուր սա խեղճերուն որ էրմենի գաթոլիքի ըսվին:


— Չըլլար, թող չեմ տար։


— Ոտքդ պագնենք։


— Կը հակառակիս, էֆենտիմ, էրմենին ես եմ։


— Ազգի մը անունը չի փոխվիր։


— Չի փոխվիր նե՝ կարծիքը թո՛ղ փոխե։


Եվ որովհետև Հասուն գերապայծառը կը պնդե, մենք կը հավանինք և մեր Խիկարը կնքահայր կը ներկայացնենք՝ հակահասունյանց՝ որք կարծեմ թե կընդունին մեր քանտիտան:


— Խիկար, հոս բեր տղան։


— Բերի։


— Երախայն զի՞նչ խնդրե։


— Հավատք, հույս և սեր։


— Երախայն զի՞նչ խնդրե։


— Սամաթիո եկեղեցին, Ղալաթիո Փրկիչը և Բերայի հիվանդանոցը։


— Անունը ի՞նչ է։


— Հասունի պատիժ։


Ըսելիք մնաց։


Օ՛ն ուրեմն, այս անունով գործերնիդ շարունակեցե՛ք։


Մյուսյու քոնթ Չեչենիի ջրհանակրաց խումբը Սամաթիո անցյալ գիշերվան հրդեհին գնացեր և բավական... տաքցեր է։