Էջ:Hagop Baronian, Collected works, vol. 4 (Հակոբ Պարոնյան, Երկերի ժողովածու, հատոր 4-րդ).djvu/364

Գանձային վիճակին ականջ կախելու չէ. եթե անոր խոսքին նայելու ըլլանք՝ ոչ թե զորք ժողովելու այլ զորքերը ցրվելու ալ հրաման չտար։

— Մարկոս աղա, սա եկեղեցիին հաստատ եկամուտ մը կապելու աշխատինք. վասնզի ջերմեռանդներն օրե օր պակսելու վրա են։

— էֆենտիմ ջերմեռանդներն ավելցնելու աշխատինք, ժողովուրդը եկեղեցի քաշելու ջանանք։

— Չեն դար էֆենտիմ, ազատ ձայնով տիրացուներ բերինք. ճարտասան քարոզիչներ հրավիրեցինք, դարձյալ օգուտ չըրավ. երեկ առտու չորս հոգի կար եկեղեցին։

— Ի՞նչ գիտնամ. երեկ գիշեր չորս հարյուր հոգի կար պալոն:

— Սանքի ի նպաստ եկեղեցվո պալո տանք կըսես։

Կըլլա մի յա։

— Համբարձում աղա իմացաք Կաթողիկոսին գրածը։

— Չիմացա։

— Գրեր է որ եկեղեցիներու մեջ աթոռ գնելը Հայաստանյայց եկեղեցվո օրինաց դեմ է եղեր։

— Ո՞ւր նստին։

— Գետնի վրա։

— Բանթալոնով չնստվիր գետինը։

— Ըսել է որ բանթալոնն ալ Հայաստանյայց եկեղեցվո հակառակ է։

Խեղճ Հայաստանյայց եկեղեցի, ինչ աղվոր ներկայացուցիչ ունիս։

<19>

Շաբաթ ավուր լրագիրներուն մեջ կարդացինք որ Սովելոց մասնաժողովո անդուլ ջանիվքն և ժողովրդյան տված