Էջ:Hagop Baronian, Collected works, vol. 4 (Հակոբ Պարոնյան, Երկերի ժողովածու, հատոր 4-րդ).djvu/377

Վիքիդարանից՝ ազատ գրադարանից
Այս էջը սրբագրված է

անկարելի կը կարծեն։ Ես տակավին չեմ կարող վճիռ արձակել և կը փափագիմ կարծեր որ ամեն հավախոսին մեյ մեկ դպրոց բանալու փառասիրությունը պիտի չունենա Միացյալ ընկերությանց գործադիր ժողովն։


Գործադիր ժողովո ատենապետ ընտրված է պարոն Գեվորգ Ապտուլլահ, չափազանց հայրենասեր, չափազանց աշխույժ և չափազանց եռանդոտ երիտասարդը։ Այս անձն մեծ փառք և պատիվ կստանար, եթե ատենապետ ընտրվեր այնպիսի գործադիր ժողովո մը, որուն պաշտոնն լիներ շենքեր կառուցանել... օդի մեջ։


(Վարժարանի մը մեջ)

— Վարժապետ, Աստված դրաքտը Հայաստանի մեջ չդրա՞վ:


— Այո՛, Հայաստանի մեջ դրավ:


— Բայց հիմա Հայաստանի մեջ ատանկ բան չկա... ի՞նչ է եղեր...


— Շատ հավանական է որ... որ...


Վարժապետը աշակերտին հարցման գոհացուցիչ պատասխան մը չկարենալով գտնել՝ մազ մնաց որ անոր առջև պիտի խայտառակվեր, եթե նույն պահուն դիպվածով այդ վարժարանը չերթայի և աշակերտին չըսեի.


— Շատ հավանական է, որ քյուրտերը ավրշտկած լինին. տղաս։


Մայրաքաղաքիս մեջ գիշեր ատեն քիթով պտըտիլը վտանգավոր է: Այս գիշեր թուրք մը հրեայի մը վրա հարձակելով կողոպտել ուզեց զայն, բայց խեղճին վրա փող չգտնելուն վրա թուրքը բարկացավ և աղեկ մը ծեծելեն ետքը խեղճ հրեային քիթը կտրեց ու փախավ։


Եղելությունն ոստիկանության իմաց տրվելուն պես մի ոստիկան չարագործը ձերբակալեց։


Քիթն յուր տիրոջն տրվեցավ։