Էջ:Hagop Baronian, Collected works, vol. 4 (Հակոբ Պարոնյան, Երկերի ժողովածու, հատոր 4-րդ).djvu/378

Վիքիդարանից՝ ազատ գրադարանից
Jump to navigation Jump to search
Այս էջը սրբագրված է


Այս արդար դատաստանին ըսելիք ունի՞ք. եթե գողցվածն դրամ ըլլար՝ հրեան չէր կրնար դրամն վերստին ձեռք բերել: Թող աղոթք ընե, որ քիթն էր գողցվածը։


2 հունիս

Ես ալ այսօր համոզվեցա, որ թատրոնը մեծ մարդերու դպրոց մէ։


Բայց մեծ մարդիկ ի՞նչ կուսանին այդ դպրոցի մեջ: Խնդիրը հոս է։


Թող ուրիշները պնդեն թե բարոյականություն կուսանին հոն, ես կը պնդեմ, և եթե հարկ լինր երկու տաճիկ վկա ալ կը բերեմ, որովհետև քրիստոնեի վկայությունը ընդունելի չէ, որ թեպետ և բարոյականություն դաս կը տրվի հոն, բայց աշակերտները մարմնակազմության դաս կառնեն, վասնզի հանդիսատեսները դերասանուհվո մը ավելի թևերուն, պարանոցին, սրունքներուն կը դարձունեն իրենց ուշն, քան թե անոր արտասանած խոսքերուն, և եթե դերասանուհվո թևերն գեղեցիկ գտնեն՝ կըսեն.


— Շատ սքանչելի ներկայացում մէր։


Խեղճ հեղինակներ... կը կարծեն թե իրենց գործը կը ծափահարվի... մինչդեռ շատ անգամ դերասանուհվո հեղինակն է, որ կը ծափահարվի...


Խափանված Լրագիր օրագրո խմբագիրն այսօր Տպագրական տեսչության ներկայացավ և հրաման խնդրեց, որ թերթը վերստին հրատարակել Տեսուչն աղոթք ընելու գնացած էր։


Հունաստանի, Քարատաղի և Հայաստանի նկատմամբ վեց տերություններն տվին իրենց համիմաստ ծանուցագիրն Բ. Դռան։