Էջ:Hagop Baronian, Collected works, vol. 4 (Հակոբ Պարոնյան, Երկերի ժողովածու, հատոր 4-րդ).djvu/39

Վիքիդարանից՝ ազատ գրադարանից
Jump to navigation Jump to search
Այս էջը սրբագրված է


Երբ կը տեսնենք որ գավառի մը մեջ բոլոր խանութները գոց են, հասկնալու եք որ նույն օրը կամ կիրակի է կամ պաշըպոզուխներ՝ու. խումբ մը կը գտնվի այն գավառին մեջ:


Այո, այս պաշըպոզուխները Իզմիր և ուրիշ գավառներու մեջ ամեն օր կիրակի բռնել կուտան կոր գավառացոց:


Այս ըսելով հասկցնել կուզենք որ եթե պաշըպոզուխները այս ընթացքնին պիտի շարունակեն՝ գոնե անոնց համար բռնվելի կիրակիներն ալ 1877-ի օրացույցներուն մեջ նշանակենք ի դյուրություն բարեպաշտ ժողովրդյան։


ԼՐԱԳՐԱՎԱՃԱՌԻ ՄԸ ԻՐԱՐԱՆՑՈԻՄԸ

<9>

— Հավելվա՜ծ, հավելվա՜ծ... (վազելով)


— Հոս եկո՛ւր։


— Հավելվա՜ծ... հավելվա՜ծ... (վազելով)


— Ծո՛, չիգա՞ս։


— Հավելվա՜ծ... հայոց պատերազմը (վազելով)


— Հավելված մը տուր։


— Հավել... հայոց պատերազմը... ձուկ ուտողին դեմ... հավելվա՜ծ (վազելով)


— Սիրական։


— Հավելվա՜ծ... Միքայել դուքս...։


— Պոռալո՞ւ համար առիր զանոնք, չէ նե ծախելու համար։


— Պատերազմ... Միքայել դուքս... հավելվա՜ծ (միշտ վազելով)


— Սիրական, այո՛լ, հոս եկուր, խենդեցար ինչ եղար։


— Հավելվա՜ծ, պատերա՜զմ (վազելով)


— Ծո՛, ի՞նչ եղար, խելքի՞դ եկավ, հոս չիգա՞ս։


— Հավելվա՜ծ, հավելվա՜ծ. դուքս Միքայել, հայոց պատերազմ... Կաթողիկոս... հավելվա՜ծ քսան փարա։


— Ծո, ո՞ւր կը փախչիս չիդա՞ս մեզի ալ ծախելու։


— Հավելվա՜ծ, հավելվա՜ծ, հայող պատերազմը, Միքայել դուքս։