Էջ:Hagop Baronian, Collected works, vol. 4 (Հակոբ Պարոնյան, Երկերի ժողովածու, հատոր 4-րդ).djvu/473

Վիքիդարանից՝ ազատ գրադարանից
Jump to navigation Jump to search
Այս էջը սրբագրված է


10 Նոյեմբեր

Ուրիշ հրաժարական մալ։


Երզնկայի առաջնորդն ալ հրաժարելու միտք ունի եղեր:


Հոն ալ չկա մարդ, զգացում և դրամ։


Երզնկայի կլիման անհարմար կուգա եղեր նորին սրբազնությանն։


Այս առաջնորդին ալ կլիմա մը փնտրելու, գտնելու և ղրկելու է։


Հուսանք սակայն, որ Երզնկայի առաջնորդը անիրավ հարձակումներե առանց վշտանալու հառաջ կը տանի այն գործերն, զորս այնքան սիրով և եռանդյամբ սկսավ։ Եթե կլիման իրեն չհարմարվի՝ նորին գերապատվությունն աշխատելու կզինքն կլիմային հարմարցունել, զի մի լցցի բանն, թե վարդապետներն կը փոթեն իրենց կլիման՝ երբ եպիսկոպոս ձեռնադրվին...


11 նոյեմբեր

Տեսարանն է Բերայի թատրոնի մը օթյակներեն մեկուն մեջ։


Պատվավոր մարդու մը անպատիվ կինն հույնի մը հետ սիրո բանակցություն կըներ։


— Տե՛ս, ըսավ քովի օթյակի մեջ նստող մեկն յուր ընկերին, կը վայլե՞, որ անանկ պատվավոր մարդու մը կինն անհավատարիմ գտնվի յուր էրկանը։


— Իրավունք ունիս. օտարասիրությունը չէ՞, որ մեր ազգին տունը կը փլցնե, պատասխաներ ընկերը։


12 նոյեմբեր

— Ամբակո՛ւմ աղա, վաղը չէ մյուս օր Վան պիտի երթամ։


— Բարի ճանապարհ կը մաղթեմ։


— Նամակ գրելու չմոռնաս։


— Անհոգ եղիր. տասնհինգ օրն անգամ մը կը գրեմ և լուրեր կուտամ քեզի։