Էջ:Hagop Baronian, Collected works, vol. 4 (Հակոբ Պարոնյան, Երկերի ժողովածու, հատոր 4-րդ).djvu/8

— Քյոմյուրճյու Ավրամ անուն ազատաբույր լրագրին ըսածին նայելով։

— Հետևյւսլ հեռագիրը Քուրե տ’Օրիան եկած ըլլալով, մենք ալ մեր թերթին մեջ կը հրատարակենք Քուրիեեն գողցված ըլլալը առանց հայտնի ընել կարծելու։

— Սամաթիայի մեջ հետևյալը կը կարդանք։

— Վիքթոր Հյուկոյի հետևյալ ճառն թարգմանելով կը հրատարակենք, ընթերցողն ալ կը հրավիրենք որ հիշյալ ճառին թարգմանությունը վերջեն Մասիսի մեջ գտնա նե չկարդա։

— էորոբ լրագրեն բառ առ բառ թարգմանեցինք աս կտորը, թե որ ընթերցողը բան մը հասկնա, մեզի ալ թող գա հասկցունե։

— Նոր Ժերման լրագիրն ալ պատերազմի վրայոք երկար հոդված մը գրեր է, բայց ինչ ըլլալը միտքերնիս չէ։

— Պելլատոնա քաղաքեն հետևյալը իմաց կուտան Աչիտուս Թարթարիքուս անուն թթու լրագրին։

— Թարթարուս էմեթիքուս անուն ստամոքսը խառնող ազատախոս թերթը սիրտին մեջ բոլոր ունեցածները դուրս թափելով Թան լրագրին դեմ բողոքեր է թե ինչո՞ւ...

— Կես պաշտոնական լրագիրը քառորդ պաշտոնական լրագրին դեմ հոդված մը գրելով կըսե որ...

— Ասուպլիմաթո Քորոզիվո անուն քաղաքագետը պատերազմի վրայոք շատ մը ատենաբանություններ գրեր է Փեհլիվան յագըսը անուն թերթին մեջ։

— Նոյեմբեր 36 առավոտյան ժամ 15. կայսրն առ կայսրուհի, կայսրուհի առ կայսրն, դարձյալ կայսրն առ կայսրուհի, նորեն կայսրուհի առ կայսրն հեռագրած է որ պատերազմը...

— Բրուսական լրագիրներն միաբերան (տեր ողորմյա) կըսեն որ...

— Սակայն Ֆրանսայի լրագիրներն ալ պնդելեն ետ չեն կենար հա...

— Անգղիական թերթերն ալ ոտք կոխելով կը պնդեն թե ինչու համար...