Էջ:Hagop Baronian, Collected works, vol. 4 (Հակոբ Պարոնյան, Երկերի ժողովածու, հատոր 4-րդ).djvu/85

Վիքիդարանից՝ ազատ գրադարանից
Jump to navigation Jump to search
Այս էջը սրբագրված է


ծակերը քթախոտով այնչափ պարենավորեց, որ սկսավ փռնգտալ։


— Հեփշո՜ւ։


— Շո՜ւ, պատասխանեց արձագանքը։


— Հեփշու ո՜ւ ո՜ւ ո՜ւ...


— Ո՛ւ ո՛ւ ո՛ւ ո՛ւ կրկնեց լեռը։


— Ո՜վ ես դուն։


— Դուն։


— Թշվառակա՛ն։


— Ական։


— Կը ծաղրե՞ս կոր զիս։


— Կոր զիս։


— Անիրավ։


— Իրավ։


— Բռնավո՛ր։


— Ո՛ր։


— Գաճա՛ճ։


— Ճա՛ճ։


— Արջ։


— Ա՛րջ։


— Երկար ըրիր, գիտե՞ս:


— Տե՞ս։


— Թող չպիտի՞ տաս, որ քրիստոնեից վրա քիչ մը խորհիմ։


— Հիմ։


— Մինչև վերջը իմ դատս պիտի պաշտպանեմ։


— Պաշտպանեմ։


— Եթե հարկ ըլլա պիտի պատերազմիմ։


— Եթե հարկ ըլլա, պիտի պատերազմիմ։


— Արդարության համար։


— Շահուդ համար, պատասխանեց արձագանքը, լորտ Պիքոնսֆիլտի խոսքը աղեկ մը չհասկնալով։


— Շահո՞ւս համար։


— Համառ։


— Շահուդ համար դուն կը պատերազմիս։


— Րազմիս։