Ձայներ — Ֆալաքսարա հնչելով կը ջնջվի՞ այդ արդը:
Ագռավ — Այո՛, եթե զիս վերակացու դնեք այդ այգիին։
Կաչաղակ — Այդ այգիին վերակացու կարգված օրս կը ջնջեմ ես այդ որդը։
Ագռավ — Ի՞նչ կը նշանակե աղաչել, պաղատիլ ձեռք բերելու համար, ինչ որ արդեն մերն է։
Ատենապետ — Կը խնդրեմ, ակնարկություններե զդույշ կացեք։
Գայլ — Տվեք ինձ այդ այգիին տնоրենությունն և վստահ եղեք, որ երկու օրվա մեջ բնաջինջ կընեմ այդ որդերն։
Ձայներ — Ոչ... այո... ոչ... այո, այո... եթե ձեզիպեսներ տնօրեն ըլլան հոն, այն ատեն երկու տեսակ ֆիլոքսերաներ ջնջելու պիտի աշխատինք, կաղաչենք, խնայեցե՛ք այս աշխատությունը ժողովույն։
Ատենապետ — Լռություն...
Առյուծ — Երկու ժամ է, որ զձեզ մտիկ կընեմ։
Ձայներ — Այո։
Առյուծ — Եվ կրնայի մտիկ չընել եթե ուզեի։
Ձայներ — Այո։
Առյուծ — Ես երկար չպիտի խոսիմ, մեկ խոսքով պիտի լմնցնեմ։
Ձայներ — Շատ լավ, շատ լավ...
Առյուծ — Ես ձեզի բան մը ըսե՞մ, լիազոր հանձնաժողով մը կազմենք և իշխանություն տանք անոր, որ յուր արժան դատած եղանակավ կարգադրե խնդիրք։
Փիղ — Մեր ժողովն ալ հանձնենք հանձնաժողովո մը, լմննա երթա։
Առյուծ — Բայց այս խնդիրն փափուկ է։
Փիղ — Նույնիսկ փափուկ ըլլալուն համար հարկ է, որ հոս լուծվի։
Առյուծ — Ոչ, ոչ, ոչ, հոս չպիտի լուծվի։ Քվեի դրեք խնդիրն և այնպես ըրեք, որ հանձնաժողովո հանձնվի։ Շուտ, շո՛ւտ, շուտ...
Քվեարկության արդյունքեն կը հայտնվի, թե խնդիրն լիազօր հանձնաժողովո հանձնված է չորս ու կես քվեով։
Ձայներ — Ուրախ ենք, որ այսօրվան նիստն ամուլ վիճա-
