Սիղենոս — Գինի կուզեմ։
Բագոս — Գինի բերեք, խմենք Սիղենոսի կենդանության համար, որ այսքան գովեստով կը խոսի գինիին վրա։
Սիղենոս — Այսուամենայնիվ հանգանակություն ընելու համար ձեզմե հանձնարարական գիր մը ուզած չունիմ։
Ամենքը — Խմենք, խմենք։
Սիղենոս — Կեցցե Բագոս, կեցցե՛ գինի։
Ծիծաղ — Դուն ալ երգե քիչ մը։
Հիպնոս — Լա՛վ։ (Կերգե):
|
Սիղենոս — Խմենք, խմենք, կեցցե գինի, կեցցեն այգիները,
այս գինիեն խմոցներն հավիտյան չպիտի ծարավին։
|
Մուսայք — Աս Սիղենոսն հանելո՞ւկ կըսե, ինչ կընե։
Սիղենոս — Դուք հանգերուն նայեցեք, հանգերը ճոխ լլալեն ետքը մեջի աղքատությունը չփնտրվիր, շատ կենդանիներ կան, որ առաջ աղքատ էին և վերջեն հարստացան։ Խմենք, խմենք...
Մուսաներ — Քու հանգերդ ալ աղքատ են։
Սիղենոս — Ժառանգական խնդիր մը կարգադրելուն պես կը հարստանան։ Բարոյականն ի՞նչ կընե հավերժահարսերուն քով։
Բարոյական — Կերակուր կը պատրաստենք։
Մոմոս — Կարծեմ թե բավական խմեցինք։
Բագոս — Դեռ պիտի խմենք։
Ծիծաղ — Սոխ ակներն սկսան երգել, մուսաներ, օգնեցեք իրենց։ Գինի բերե՛ք... Բարոյական, ինչո՞ւ հավերժահարսերեն չես կրնար բաժնվիլ այսօր... ի՞նչ կընես հոն։
Բարոյական — Ձուկ կը տապկենք։
Ծիծաղ — Հերիք այդչափ տապկեցիք։
