Փիղ — Գիշակեր կենդանիներու պես ապրելու համար անոնց պես սիրտ, արիություն և դյուցազնություն ունենալու է, մինչդեռ այս միջատներն ամեն օր, ամեն տեղ, մանավանդ փողոցներու մեջ ոտնակոխ կըլլան ոտից ամաններու տակ։
Ա. Պատգամավոր — (Առ դռնապանն) Այսուամենայնիվ
մեր գոյությունն պահած ենք և շարունակ աշխատած մեր
տեսակն աճեցնելու և, բազմացնելու, մեր մեջ կին մը չորս
ամսվան մեջ յոթը հազար հավկիթ կածե և կարծեմ տկարութեան
նշան չէ այս երևույթը։
Բ. Պատգամավոր — (Առ դռնապանն) Եթե քաջալերություն գտնենք՝ կրնանք մեր կիներուն տասնևչորս հազար հավ
ածել տալ, սակայն ցավալի է, որ այս կետն բնավ ուշադրության չառնվիր, անոր դյուցազնական նշանակությունն
կը կորսվի և աշխարհիս ամենեն դյուրին մեկ բանը կը կարծվի։
Մեղու — Շատ ծիծաղելի է արդարև մրջյուններուն այս
պահանջումն, կարծես թե ընկերություններ կազմելով մեղր
շինած են։
Ա. Պատգամավոր — (Առ դռնապանն) Ո՞վ մեզի չափ ընկերություններ կազմած է։
Բ. Պատգամավոր — (Առ դռնապանն) Մանավանդ ո՞վ մեզի
չափ ընկերություններ կործանած է, նորեն շինած է և
վերստին քանդած է. ըսել է թե ընկերություններուն օգուտն
ճանչցողներեն ենք։
Շերամ — Ասանկ առաջարկություն մը բերելու համար
դռնե մետաքսի նման բան մը պատրաստել գիտնային։
Ա. Պատգամավոր — (Առ դռնապանն) Մեր հնությունն
բնավ կարևորություն չունի՞։
Սոխակ — Գոնե գեղեցիկ ձայն մունենային։
Սիրամարգ — Գոնե գեղեցկություն Չունենային։
Ձայներ — Ծիծաղի քվե, ծիծաղի քվե...
Ա. Պատգամավոր.. — (Առ դռնապանն) Մեր գոյությունն
պահած ենք...։ Ի՞նչ կըլլա եթե սոխակն մեզի համար երգե
քիչ մը, մեղուն մեղր տա մեզ, փիղն իր ուժովն օգնե...
Ձայներ — Ծաղու քվե... քվե։