ԱՅԼԱԿԵՐՊՈԻԹՅՈԻՆ ԲԱՌԱՐԱՆԻ
Ագանելիք. — Մարդահաճություն։
Ազատություն. — է բույս ինչ, որ կը գտնվի Ամերիկայի կողմերը։
Ազգական. — Գանձ՝ եթե բարի և հարուստ է. գլխու փորձանք եթե աղքատ է:
Ազդր. — Ո՜րքան կը ծափահարվի թատրոններու մեջ, և որքան փառասեր հեղինակներ դերասանուհվո մը ազդրին ուղղված ծափա հարություններն իրենց թատրերգութեան կը վերընծայեն։
Աղջիկ. — Ապրանք մը, զոր վաճառելու համար դրամ տալ հարկ է գնողին:
Ամենակեր. — Շռայլության բերանը։
Այցետոմս. — Տոմսերու այցելություն։
Անամոթություն. — Կարծյաց ազատություն։
Անառիկ. — Հավատարիմ կնոջ սիրտը։
Անասելի. — Ճշմարտություն։
Անբնակ. — Այն տեղերն, ուր առաքինություն կը բնակի։
Անխիղճ. — Անոնք, որ միշտ կըսեն. «Ձեռքս խղճիս վրա դնելով կերդնում, որ...»։
Անկողին. — Գերեզմանին մանրանկարն, ուսկից ամեն օր հարություն կառնե մարդ։
Առակ. — Ճշմարտությունն դիմակավոր։
Առանձին. — Երբ տգետներու քով գտնվի ոք։
Առաջնորդ. — Ժողովրդյան ետևեն գնացող։
Առողջություն. — Բժշկաց թշնամին, զոր սպաննել կաշխատին և շատ անգամ ալ կը հաջողին։