Երկայնամիտ. — Անհոգ։
Երկասիրություն. — Թուղթի կտորներ, որոց մեջ նպարավաճառներն պանիր կը փաթտեն։
Երկդիմի. — Ազնիվ, քաղաքավար։
Երկվորյակ. — Երկու հատոր մեկ տեղ հրատարակված։
Երկչոտ. — Այն, որ դրամ չունի։
Զարթնուլ. — Պզտիկ հարություն մառնել։
Զգեստ. — Ածական՝ մոր մարդուս վրա դրվելով՝ անոր որպիսությունն կը ցուցնե։
Զեղչել. — Ազգային պաշտոնեից ամսականաց վրա կը խոնարհի այս բայն։
Զղջալ. — Մեկու մը բարիք ընելեն ետքը մեր զգացածը։
Զմուռս. — Գործնական շողոքորթություն։
Զոհ. — «Ինքզինքս զոհ կուտամ» ըսելով է, որ կը հաջողի մարդ ուրիշները զոհել։
Զրկանք. — Իրավունք է, երբ հարուստի կողմե ի գործ կը ղրվի:
Զրույց. — Ականջ մի՛ կախեր։
Զրպարտություն. — Խմբագրաց գրասենյակներու մեջ շատ կը գտնվի։
էշ. — Օրինակ խոնարհության և համբերության, որմե ամեն մարդ հատ մունենալու է յուր սենյակին մեջ։
Ըղձալի. — Ինչ որ ուրիշներն ունին։
Ըմպելի. — Բաժակ գովեստիդ։
Ընդ. — Նախդիր, մոր մեր պաշտոնեից ոմանց պես ամեն բանի մեջ կը մտնե։
Ընդարձակ. — Գողության ասպարեզը։
Ընդունելի. — Մեր հրամանին վճարելի փոխանակագիրներ։
Ընդօրինակել. — Գրագիտաց ոմանց հեղինակելը։
Ընթերցարան. — Գրասենյակ, մուր նարտ և թուղթ կը խաղան։
Ընծա. — Կը տրվի՝ փոխարեն բան մը ձեռք բերելու համար։
Ընկեր. — Անթիվ, երբ դրամ, ոսկի ունիս։
Թեթևություն. — Բարձրանալու տրամադրություն։
Թոթովել. — Մեկ խոսքը հազար անգամ կրկնել։