Էջ:Hagop Baronian, Collected works, vol. 5 (Հակոբ Պարոնյան, Երկերի ժողովածու, հատոր 5-րդ).djvu/296

Վիքիդարանից՝ ազատ գրադարանից
Jump to navigation Jump to search
Այս էջը սրբագրված է


Թողություն. — Կը ներենք, երբ չկարենանք վրեժ լուծել։

Ժամանակավ. — Կը գտնվի եղեր մարդասիրություն։

Ժառանգություն. — Ուրիշին ճակտին քրտանց պտուղը ուտել։

Իմաստակ. — Աղավաղումն իմաստուն բառին։

Ինքնահոժար. — Բռնի։

Իրավ. — Սուտ։

Իրավագետ. — Իրավունք հալածող։

Իրավունք. — Հարուստներուն կը տրվի միշտ։

Լաբյարինթոս. — Մեր խնդրոց կարգը։

Լիրբ. — Գործունյա։

Խաբեբաթ. — Դիվանագետ։

Խանձարուր. — Պատանքին աղան։

Խնկաման. — Տեսակ մը լրագիր։

Խրատ. — Դեղ մ’որ ականջով կը խմվի. սակայն շատերն կը դժկամակին խմել զայն և իրենց ականջներն անով զարդարելով կը շատանան։

Խոսնայր. — Աղջիկե մը խոսք առնողն միշտ անոր սիրտն ալ կառնե՞ արդյոք։

Ծածուկ. — Ծանուցումն։

Ծանծաղամիտ. — Մարդ որուն մտքին մեջ խեղդվելու վախ չկա, որովհետև խորունկ չէ։

Ծանրաբեռն. — Անթոսի ուղևորության ընթերցողն։

Ծափահարություն. — Ձեռքերու կեցցեն:

Ծեծ. — Զարկ, բայց անձնականիս մի դպչիր:

Ծերություն.— Կենաց թատրերգության վարագույրն։

Ծիծ. — Աղբյուր կենաց։

Կանխիկ. — Ստա՞կ. — Ոչ։ Շնորհակալությո՞ւն. — Ընդունեցե՛ք, առեք, որչափ որ կուզեք։

Համարատու. — Այն, որ համար չտար։

Համբույր. — Խածնել։

Հայհոյություն. — Փաստի սով։

Հայրենասիրություն. — Քսակը լեցնել։

Հանգանակություն. — Պաշտոնական մուրացկանություն։

Հավանականություն. — Երեք քառորդ ճշմարտություն։