Այս էջը սրբագրված է
ՔԻԹԵՐՈԻ ԻՐԱՎԱՆՑ ԲՌՆԱԲԱՐՈԻՄԸ
Հետևյալ նամակներն ղրկված են մեզ մայրաքաղաքիս ընթերցասեր քիթերու ոմանց կողմեն։
...Խիկար,
Չեմ ուզեր բաժանորդ գրվիլ քեզ, մինչև որ քթիդ կարծիքն չփոխես......... ի հոտին վրա.
Մնամ հարգանոք քույդ
Դրամաքիթ
...Խիկար
Ընթերցողացդ ցանկեն դուրս հանե զիս, եթե Արծվեծաղկին նպաստավոր գրելու միտք ունիս, և ընդունե՛, ոտքդ պագնեմ, հարգանացս հավաստիքն, որով մնամ.
Չարծվեքիթ
... Խիկար,
Չեմ ընդունիր զքեզ, եթե Զմուռնածաղիկն պիտի պաշտպանես:
Հաճեցեք ընդունիլ այն բաները, զորս նամակի մը տակ գրելու սովորությունն ունիք.
Քիթ ոմն
...Խիկար,
Ինչ որ ալ գրե՛ս, չեմ ուզեր զքեզ, որովհետև բոլորովին հակառակ եմ քու քթիդ կարծյաց.
Անքիթ