Տզրուկ — Անկարելի է, վերջեն ինձի մատի վրա կառնեն։ Սակայն ուրիշ կերպով կրնանք ուղղել այդ սխալն եթե բաժանորդագին մալ վճարեք։
Սոխակ — Կը վճարեմ։
Տզրուկ — Շատ լավ, ես ալ կը հրատարակեմ, որ խելքն փախուցած և խեղդված կենդանին սոխ մէ եղեր, որ տպագրական սխալմամբ սոխակ գրվեր է։ Ասոր ըսելիք ունի՞ս:
Սոխակ — Ոչ, բավական է, որ ես չխեղդվիմ, կուզե սոխը խղդվի կուզե սխտորը խենթենա։ Մնաք բարով։
Տզրուկ — Երթաք բարով։
Բարոյական — Շատեր իրենց մեկ սխալն արդարացնելու համար անարդարանալի և ծիծաղելի սխալներ կը գործեն։ Սխալն ճանաչելը խելացություն է, իսկ զայն խոստովանիլն՝ մեծ քաջություն:
ԵԶՆ ԵՎ ԿԱՊԻԿԸ
Եզն — Փառք կուտամ Արամազդին, որ եզն ստեղծված եմ և ոչ մարդ։
Կապիկն — Ես ալ կապիկ ստեղծվելուս դեմ օր մը բողոքած չեմ Արամազդին, և եթե բողոքեի իսկ, բողոքս բարձի թողի կըլլար, ինչպես կըլլան անկարելին ձեռք բերելու նպատակով տրված բողոքները։ Բայց ի՞նչ է պատճառն քու հակակրությանդ մարդերու դեմ։
Եզն — Պատճառն այն է, որ անոնք համակրության արժանի չեն. եթե ստիպողական գործ չունիս, բացատրեմ քեզի:
Կապիկն — Սիրով մտիկ կընեմ։
Եզն — Անցյալ գիշեր սև և երկար վերարկու մը հագա, երեսս ալ մարդու դիմակ մանցունելով՝ ելա պարահանդես գնացի։
Կապիկն — Վերարկուով և դիմակով մը կրցա՞ր մարդու նմանիլ։
Եզն — Շատ աղեկ նմանեցա, այնպես որ փողոցին մեջ դեմս ելնողներն հարգանոք բարև կուտային, մեծ մարդ մը կարծելով զիս։
Կապիկն — Իրավ է. բավական է, որ ոևէ կենդանի մը