Այս էջը սրբագրված է
Արժանիք. — Ո՛չ, երիցս ոչ։ Կը խնդրեմ, ալ խոսիլ մի տար ինձի, որովհետև ասոնց հիշատակն իսկ առողջությանս վնասակար է։
Անկեղծություն. — Գեղեցկությունն, դրամն, շաղակրատությունն և տգիտությունն ճաթեցուցած են զձեզ։
Արժանիք. — Այո՛։
Անկեղծություն. — Ձերբակալվեցա՞ն գոնե։
Արժանիք. — Եթե ես չհաջողեցա ձերբակալել զանոնք, ուրիշ մ՝ալ չպիտի կրնա հաջողիլ։
Անկեղծություն. — Ելնենք պտըտինք քիչ մը, ձեզի ներկայացնեմ Խիղճը, Գութը, Ճշմարտությունն և մեր ուրիշ ընկերները։
Արժանիք. — Երթանք։
Անկեղծություն. — Ուրիշ ուղևոր չկա՞ մոտերս հոս գալու:
Արժանիք. — Կարծեմ Ամոթը կը հասնի մեկ ամիսեն։
Անկեղծություն. — Ամոթը հո՞ն է տակավին։
Արժանիք. — Այո՛։
Անկեղծություն. — Սխալ ըլլալու է։ Երթանք։
