— Որո՞ւ պիտի ըսեմ: Տո՛ւր ձեռքդ համբուրեմ։
— Չըլլար:
— Կըլլա:
— Չըլլար:
— Կըլլա:
— Չըլ...
— Կ՝ըլ...
ԳԼՈԻԽ Բ
— Ա՛հ, օրիորդ, երեկ գիշեր ամենևին չքնացա։
— Ինչո՞ւ. դո՞ւք ալ մլուկ ունիք։
— Մլուկ չէ, օրիորդ. չգիտեք, թե ո՛րչափ կը սիրեմ զքեզ. այլ. շաբթու նշանվինք իրարու հետ։
— Ես սիրվելու չափ աղվոր չեմ։
— Հրեշտակի կը նմանիք։
— Ես ամենևին աղվորություն չունիմ։
— Աչքերուդ մեռնիմ:
— Թե որ մեկը երկուքնուս ասանկ խոսիլը տեսնե նե՝ ի՞նչ կըսե. գնա՛ սըկե, խե՞նթ ես, ինչ ես։
— Խենթ եմ, հիմար եմ, ինչ որ կուզես անեմ (Ծունկի վրա) Ա՜հ օրիորդ, չե՞ս սիրեր զիս։
— Չեմ սիրեր ըսող կա՞ քեզի։
— Անանկ է նե՝ կը սիրես։
— Կը սիրեմ ըսող կա՞ քեզի։
— Աստուծո սիրուն համար ըլլա, մի մաշեցներ զիս։
— Մաշեցնելու ի՞նչ կա որ։
— Ըսե ինձի, ո՛ր կը սիրես զիս։
— Ես անանկ բաներ չիյտեմ։
— Ըսել է, որ մեռնիլս կուզես կոր դուն իմին։
— Ինչո՞ւ մեռնիլդ ուզեմ պիտի:
— Օրիորդ, բացե ի բաց ըսե ինձի, թե զիս չե՛ս սիրեր, ես ալ երթամ ինքզինքս կախեմ կամ ծովը նետեմ կամ...
— Կեցիր, մերթար, կը սիրեմ, կը սիրեմ. բայց սա ալ գիտցիր, որ եթե ինքզինքդ չկախեիր քեզ չպիտի սիրեի. սա քեզ սիրելուս հանցաեք մը չըրի, քեզի մահվնե ազատելու համար քեզ սիրեցի։
— Երջանիկ եմ։