Էջ:Hagop Baronian, Collected works, vol. 6 (Հակոբ Պարոնյան, Երկերի ժողովածու, հատոր 6-րդ).djvu/297

Վիքիդարանից՝ ազատ գրադարանից
Jump to navigation Jump to search
Այս էջը սրբագրված է


— Կը խենդենա կոր յա, դուն վաթսուն տարեկան եղած ես և կուզես կոր, որ ամենքն ալ վաթսուն տարեկան ըլլան, այսինքն քեզի պես զգան, քեզի պես խորհին։ Դուն կենճությանդ պալո գացած չե՞ս։

— Բնավ գացած չունիմ։

— Ամեն մարդ քեզի պես չէ։

— Շատ խոսք չեմ ուզեր, պալո երթալ չըլլար։

— Այս գիշեր չերթանք նե՝ չըլլար, մեղք կըլլա աղջիկներուս․ Հասկցա՞ր։

— Ճանըմ, ես կը գտնամ անոր Էրիկ մը։

— Ո՛չ, մենք կերթանք կոր իշտե.․.

— Ո՞ւր կերթաք կոր:

— Պալո։

— Չեմ բանար վերջը դուռը։

— Դուն գիտես։

— Վերջը գեշ կըլլա։

— Ինչ ուզե նե թող ըլլա։

— Կնիկ տեյի չեմ ընդունիր քեզի։

— Ես ալ քեզի չեմ ընդունիր։

— Կերե՛ք։

— Մնաք բարով:

— Հոս եկե՛ք։

— Չպիտի գամ։

— (Պոռալով) Հոս եկե՛ք։

— Ճանըմ, ամոթ է, ինչո՞ւ կը պոռաս կոր։

— Եկե՛ք, ես ալ պիտի գամ մեկտեղ։

— Շուտ ըրե՛:

— Կեցո՛ք, սա վրաս փոխեմ։

— Փոխե՛, փողոցի մեջ սպասերնել մի՛ տար մեզի։

(Բանի մը վայրկյանեն վար կ՝իջնա Էրիկն շալվար մը հագած է նարկիլե մը բռնած)։

— Ճա՚նըմ, աս ինչ խայտառակություն Է։

— Ինչո՞ւ խայտառակություն ըլլա։

— Մասքե պիտի անցունե՞ս երեսդ։

— Ո՛չ։

— Անանկ Է նե չըլլար, մենք քեզի հետ չենք երթար։

— Ես ալ ձեզմե չեմ բաժնվիր։

— Ամոթ Է ճանըմ, տեսնողը ի՞նչ կ՝ըսե: