Այս էջը սրբագրված է
Այրն այսօր յուր կինն կը պահանջե:
Կինն կը պատասխանե։
— Մինչև որ զատ տուն մը չվարձես չեմ գար. ես մորդ տունը չեմ նստիր։
— Պիտի գաս։
— Չպիտի գամ։
— Բերել պիտի տամ։
— Չպիտի հաջողիս։
— Այրդ չե՞մ, ուր որ երթամ, հետս պիտի գաս։
— Կինդ չե՞մ, հայրդ, մայրդ պիտի թողուս և ետևես պիտի գաս։
Խնդիրը կը ներկայանա ուր որ պետք է։
— Կինս կուզեմ։
— Զատ տուն մը բռնե՛ ու ա՛ռ կնիկդ։
— Զատ տուն բռնելու կարողություն չունիմ։
— Կնիկ չկա ուրեմն քեզի, դուրս ելի՛ր։
Թողունք այժմ ամուսնությանց թվույն օր ըստ օրե նվազման այլ և այլ պատճառներն, և հարցնենք միայն, թե այն մարմինն, որ ամուսնական խնդրոց դատաստանովն կզբաղի, բնավ պատճառ տված չէ՞ ամուսնությանց թվույն նվազման։
Պատասխան․
Կարդացե՛ք Պաղդասար աղբարը:
