Էջ:Hagop Baronian, Collected works, vol. 7 (Հակոբ Պարոնյան, Երկերի ժողովածու, հատոր 7-րդ).djvu/111

— Մեկ մեճիտիե մեծ վարժապետիս համար։

— է՜յ։

— Կես մեճիտիե ալ պզտիկ վարդապետիս համար։

— Է՜դ։

— Երեք քառորդ մեճիտիե ալ միջին վարժապետիս համար։

— է՜յ։

— Մեկ քառորդ մեճիտիե ալ տնտեսին համար։

— Է՜յ։

— Կես մեճիտիե գաղղիաբանի և կես մեճիտիե ալ տաճկաբանի համար։

— Ասոնք այս օրերս չէին գար կոր նե։

— Կաղանդի օրը անպատճառ կուգան։

— Է՜յ, տղաս, այս տարի կաղանդին օրը դպրոց մերթար դուն տե՛ վերջը բան մը կընենք։

⁂

Անցյալ շաբթու կամուրջը բացված միջոցին մարդուն մեկը ցատկել ուզելով՝ ծովը ինկեր է, բայց հասած օգնության շնորհիվը մարդը ծովեն դուրս հանվեր է։

— Ո՞ղջ, թե մեռած։

— Լրագիրը ասոր վրա բան մը չեն խոսիր, և խոսելու ալ հարկ չկա, բավական է, որ մարդը դուրս հաներ են, կուզե մեռած ըլլա, կուզե ողջ, ծովին տակը մնացած չէ յա․․.

⁂

— Ճանըմ մյուսյու տոքթոր, սա էրկանս հիվանդությունը ի՞նչ է։

— Մենք այս հիվանդության մալյուս բեքքյուս թեսթա չերվելլո կ՝ըսենք։

— Ողջ ըլլաս, սա հիվանդությունը հասկնամ տե․․․ էյ, սա հիվանդութենեն կ՝ազատի՞, չէ նե.․․

— Կրնա ըլլալ, որ մեռնի, և կրնա ըլլալ, որ չմեռնի։

— Օրհնյալ է Աստված, հելե մեկ սաղլամ մուղապ մը առի..․։