Էտիրնեի շըմենտըֆերը մինչև էտիրնե չպիտի երթա քիչ մը ատեն, ճամբաները (ըստ գուշակության Մեղուի) ավրված ըլլալուն պատճառավ մինչև կես ճամբան պիտի երթա։
Անանկ է նե՝ շըմենտըֆերի տալիք վնասն ալ կես պիտի ըլլա։
Մինչև էտիրնե գացած ատենր ճամբորդաց երկու ոտքը կը կտրեր՝ հիմա որ կես ճամբա պիտի ընե նե՝ ըսել է որ ճամբորդաց մեյ մեկ ոտքը պիտի կտրե...
⁂
Հայտար փաշա, Ֆերի գյուղ և Թաթավլա գայլեր իջեր են սաստիկ ցուրտի պատճառավ։
Մեր գայլերը մեզի չէին բավեր տե՝ դուրսեն ալ գալ սկսեր են։
⁂
Առջի օրը, մարդուն մեկը եկեղեցականի մը հետ Բերայեն վար իջած ատենը՝ աշխարհականը ձայն մը առնելով ետև կը նայի։
— Ո՞վ է կանչողը, կը հարցնե եկեղեցականը։
— Ա... վարդապետն է։
— Անոր ալ վարդապե՞տ կըսեք... սրվոր պարզապես Ա..․ ըսե՛ք, վարդապետն ի՞նչ է։
— Իր մականունն է, սրբազան։
⁂
— Ծո տղա՛, քանի անգամ, որ բան մը առնելու ղրկեցի նե՝ քեզի, գեշը առիր եկար, բանե մը չես հասկնար։
— Հայրի՛կ, աղեկը հասկնալու համար պետք եղածը չես սորվեցուցեր ինձի։
— Քեզի քանի անգամ ըսի, որ շատ տալու ըլլան նե՝ մի առներ, գեշ է, տղեկը քիչ կուտան։
— Հապա վարչական տնօրինությունները, որ այնչափ շատ են...
