Այս էջը սրբագրված է
կը սիրե։ Ընդհանրապես ծերերն այս անուշեղենեն շատ կերած ըլլալնուն համար է, որ ակռանին կը կորսնցնեն։
⁂
— Բարձր շենքերու վրա շանթարգել դնելը ի՞նչ կը նշանակե։
— Գողին գանձ ցցունել։
⁂
— Ի՞նչ է կրոնափոխությունը։
— Տեսակ մը գաղթականություն։
⁂
Ի՞նչ է անձրևը։
— Նախախնամության տուշը:
⁂
— Ի՞նչ է կաղամարը։
— Սև ծով, որուն մեջ շատ մը համբակ նավապետներ փոթորկի կը բռնվին և կը խղդվին։
⁂
— Ի՞նչ են միսիոնարները։
— Ավետարանի թահսիլտարներ։
⁂
— Հավասարությունը ո՞ւր կը գտնվի։
— Ոտանավորի տողերուն մեջ։
⁂
— Ի՞նչ է խաղամոլությունը։
— Հարգանոք գողություն։