⁂
Թրամվեյի ընկերությունն ալ կը ծանուցանե, թե բավական ատենե ի վեր մարդ ճզմվելու գործողությունը և ուրիշ քանի մը կարգադրություններ խափանած ըլլալուն կը փութա այս զեղծմանը առաջքը առնուլ։
Ուստի, այսուհետև թրամվեյի կառքերը կանոնավոր ուղևորությամբ Սիրքեճի իսկելեսիի մոտը պիտի հանդիպին մեկուե ոտքը ջախջախելու համար։ Հաճախորդնին ձգել և վերադառնալե վերջը, երբ ուրիշ հաճախորդներ կան, կառավարաց ամենն ալ վրան պիտի թափին մինչև որ մարդը ձանձրացնեն և ժամ մը գործեն ետ ձգեն։
Նույնպես թրամվեյը հազիվ քիչ մը ճամբա առած գիծեն դուրս պիտի ելլե, մեկուն ոտքը կամ գլուխը ջախջախելու համար և երբ մարդ չգտնեք որ հազվագյուտ բան մԷ, երկար աշխատությամբ նորեն գիժը մտնելով ճամբան պիտի շարունակե դեպի Կոսկա և հոն պիտի կենա, որ հաճախորդները վար իջնան և ձիերուն օգնեն կառքը քշելու, մինչև որ անփորձ տեղը հասնի։
Կը հուսանք, որ հասարակությունը գոհ կըլլա այսուհետև։
⁂
Հասունյանք ալ կը ծանուցանեն, թե սուրբ Հակոբի հիվանդանոցին արդեն մեկ կողմը տիրոջը հանձնած են զորավարին բացակայութենեն ստիպյալ, թեև մոտ օրեն ամենն ալ պիտի հանձնեն, սակայն, հիվանդաց և խենդերու հարկին այս օրերս խիստ պետք ունենալուն կը ջանան ժամանակ մալ պատերազմը շարունակել խենդերու օգնությամբ։
⁂
Առուտուրի նվազությունը կենդանյաց մեջ ալ զգալի եղած է այս օրերս։
Շուն մը մուրացիկ մը տեսնելով, որ տունե մը հաց կխառներ, անշուշտ բնազդմամբ գիանալով, որ մուրացիկները կը հափշտակեն իրենց սնունդը, անոր վրա հարձակելով կռվի կը բռնվի և կը խածնե զայն։
Այս եղելությունը ցավալի բան մէ, սակայն հացի խնդիր մըլլալով պետք է նկատողության առնումք։
Հիմա եթե կենդանյաց իրավունք տանք, ըսելով, թե անոնք բոլոր թաղերը իրենց մեջ բաժնած ըլլալով յուրաքանչյուրն յուր
