ղաքը (պատկեր ըլլալու է) և ուրիշ ոսկեզօծյալ քաղաքներ ղրկեր է. (ուր ղրկելը գիտցված չէ ըսինք)։
⁂
Օրագրի շաբաթ օրվան թերթին մեջ մոռցված է հետևյալ ազգը.
«Երեկվան թերթովնիս հրատարակված ներքին տեսությունը գշ. օրվան, որն որ 17 օգոստոս ըսել է ըստ լատինացոց, Ստամպուլ ֆրանսերեն լրագրեն թարգմանվածը, որ նոր նոր սկսված է և որն որ մոռցած էինք ծանուցանել, քանզի սա գրաշարին չէր հանձնված և սա ալ չէր ուզած»։
⁂
Մանշի ծովի ներքին ուղին փառավոր հանդիսիվ բացվեր է Օգոստոս 1-ին։ Հայրենիք, թիվ 360։
Ըսել կուզե, թե Մանշի նեղուցին ներքև բացվելիք ստորերկրյա ճամբան փորել սկսեր են (գոց չէր, որ բանային)։ Մոռցված է հիշել, թե երկու տարիեն գործը գլուխ կելնե։
⁂
Պարոն Մելքոն Պարոնիկյանի առնելյաց մասին հրատարակված ազգը ըսել կուզե։
— Թե՝ Խաչատուր եպիսկոպոս կաթողիկոս եղավ տանն Աղթամարա։
— Աստված բարի վայելումն տա, ուրիշ նպատակ մը չունի՞։
— Ունի, սա ալ ըսել կուզե, թե Պատրիարքարանը շիտակ չխոսիր, զի Պարոնիկյան փարա մը առած չէ։
⁂
Մասիս քանի մը եպիսկոպոսական վկայագիր ընդունող վարդապետներու անունները հրատարակելով՝ ինքնիրեն կը հարցունե, թե արդյոք ասոնք առաքյալին պահանջած հանգամանաց տե՞ր են։
— Չէ՛, կըսե Թատրոն, առաքյալը կըսե, պարտ է եպիսկոպոսին միոյ կնոջ այր լինել, ասոնց կնիկները ո՞ւր են․..