— Որովհետև շատ պետքեր ունի։
Ուրեմն, ես ալ կը հետևցնեմ, շատ պետքեր ունենալու է մարդ անզգա չըլլալու, քան թե հարուստ ըլլալու է անզգա ապրելու համար։
⁂
— Սիմոն աղա, ինչպես են առուտուրները։
— Գեշ չեն, շատ աղեկ են։
— Հելե աղեկ ըսող մեկը չտեսա, որի հարցնես, գե՜շ, գե՛շ, գե՛շ:
— Էֆենտիմ, քանի տարիե իվեր սանքի ձեռք ձեռքի վրա նստած էինք, հիմակ գործի սկսանք և էն քիչը վեց ամսվան համար գործ ունինք։
— Ինչ է, սարային յափունե՞րը մտած ես։
— Չէ՜, էֆենտիմ, խըրըխճի ըլլալս չե՞ս գիտեր։
⁂
— Պարոն աղա, լահորաքի ունի՞ս։
— Ունիմ, հեմ բեք աղեկը ունիմ։
— Ես Պիսմարք կուզեմ։
— Պիսմա՜րք, հա, ա՞ս ալ մոտա ելավ, հիմակ ալ ամեն մարդ պիսմարքին փակեր է։
⁂
— Որչափ բախտ ունի եղեր։
— Ո՞վ։
— Ինչ բախտավոր մարդ։
— Որո՞ւ համար է խոսքդ, բարեկամ։
— Փանոսյանին համար կըսեմ։
— Ի՞նչ է եղեր, Պուքրեշին բիանքոն անո՞ր զարկեր է։
— Ադ բան մը չէ։
— Բան մը չէ՞, ուրեմն Ավստրիո մեծ վիճակահանությունը՞ անոր ելեր է։
— Ո՜չ, բարեկամ, ոչ. ստակի վերաբերյալ բան չէ։
— Է՜յ, ի՞նչ է ուրեմն, հայոց Պատրիարք եղեր է։
— Չէ, եղբայր՝ բախտ ունի եղեր որ հույն չէ ծներ։
— Ի՞նչ կելնե ատկե։
— Ի՞նչ պիտի ելնե, եթե հույն ծնած ըլլար և հայոց դեմ գրա—