սույթովը պիտի կարենա հասարակաց օգտին համար մայրաքաղաքիս բոլոր ճամպազաքալույց խալտըրըմները նորոգել։
ՀԵՌԱԳՐԱԼՈՒՐԴ
Աժանս կեվեզե
Ազգային ժողովը մեր դիտողությանց վրա վերջապես հասկնալով, որ ազգային բոլոր թե՛ արտաքին և թե՛ ներքին խնդրոց կարգադրության միմիակ ճարը ներկա երեսփոխանության սրբագրությունն է, պիտի որոշե նոր և ընդհանուր քվարկությամբ երեսփոխանություն մը կազմել ընտրական օրենքները կանխավ բարեփոխելով և սեղմելով, որպեսզի «արժեմը չարժեմը» երեսփոխան ընտրվելով, երեսփոխանության «պատիվը» չաղարտի։
Մասիսի ծեր խմբագրապետին և երիտասարդ խմբագրին ամենօրյա կռիվեն ճելալ պեյ խանը դղրդեցավ։
ԲԱՆԱՍԻՐԱԿԱՆ
Վենետիկի Մխիթարյան հարց վարժարանին մեջ հարցաքննության ատեն քննիչը կը հարցունե աշակերտին։
— Տղաս, ամենեն թափանցիկ մարմինները ո՞րոնք են։
— Տնտես աղբոր կտրած պանիրը։
⁂
Իմ ազնիվ բարեկամ տոքթորիս հարցուցի.
— Մեծատաղանդն Կյոթե իր հոգեվարք միջոցին ինչո՞ւ համար լույս... լույս․.. և դարձյալ լույս պոռաց։
— Աչքերը մթագնեցան, անոր համար։
— Հապա մեր Գրասեր Ատոմը կըսե, թե դպրոցներուն համար լո՜ւյս.․․ գոչեր է։
— Դուն անոր ի՞նչ կը նայիս. Գափամաճյանին ալ հարցունեա նե՝ իմ Լույսիս համար է կըսե։
