Այս էջը սրբագրված է
ԲԱՐԵԿեՆԴԱՆԻ ՀԵՏԵՎԱՆՔՆԵՐԸ
— Քանի մը շաբաթ և ի վեր չեմ տեսներ մեր բարեկամ պարոն Թեոփիլեն։
— Խեղճին գլուխը փորձանք մը պատահեցավ և ստիպվեցավ խանութը գոցելու։
— Սնանկացա՞վ։
— Ո՛չ, գիշեր մը պարահանդես գնացեր է և հոն խաղի նստելով դրամագլուխը կորուսեր է։
— Ամեն ատեն չէ յա, տարին անգամ մէ։
⁂
— Իմացա՞ք, պարսն Ղունկիանոսը կնիկեն բաժնվեր է։
— Ինչո՞ւ համար։
— Գիշեր մը մեկտեղ պարահանդես դնացեր են, և կնիկը ուրիշի մը հետ փախեր է ու մեյ մալ երևան չէ ելեր։
— Ողջություն ըլլա, ան դարձյալ կուգա։
⁂
— Բարև՛, բարեկամ, ո՞ւր կերթաս այսպես վազելով։
— Բժիշկի, բժիշկներու։
— Խեր ըլլա, ի՞նչ կա։
— Օրիորդ Թ... վալսի մեջ սխալ քայլ մառավ երեկ գիշեր, ոտքը դարձավ և կոտրեցավ։
⁂
— Դատդ ի՞նչպես ըրիր, բարեկամ։
Դատս կերած է, տասն և հինգ օր է, որ դատի ելած չունինք։