Բժիշկը հիվանդաց այցելություններ կընդունի։
Սրահն լի է հիվանդներով, որ կարդավ կը մտնեն բժիշկին սենյակը։
Մարդը գավառացի հիվանդի մէ։
Ներս կը մտնե։
— Ի՞նչ ունիք։
— Գանկս կը ցավի, ոտքերս կը կտրին և ստամոքսիս վրա ծանրություն մը կա։
— Ասոնց ո՞րր նայիլ պիտի տաս այսօր։
— Չեմ հասկնար։
— Մեկ վիզիթայով երեքը մեկեն կը նայվի՞ մի յա, քիչ մը ինսաֆ պետք է։
— Երբ որ մեկ վիզիթայով նայվելիք հիվանդ ըլլամ նե ան ատեն կուգամ ձեզի, կըսե հիվանդն ու կը մեկնի։
⁂
Ազգային լրագիրներն Ամերիկայեն երկար թղթակցություններ կը հրատարակեն շարունակ և բան մը չեն խոսիր հայաբնակ գավառներուն վրա, այնպես որ մեր ազգայինք այսօր ավելի տեղեկություն և ծանոթություն կստանան ամերիկացոց բարուց և սովորությանը վրա, քան թե հայաբնակ գավառաց հայոց վիճակին վրա:
Պատճա՞ռ։
Որովհետև Ամերիկայեն Կ. Պոլիս քսան փարա է նամակի մը փոխադրության ծախքը։
Ես ալ այսուհետև բոլոր նամակներս Ամերիկա պիտի ղրկեմ։
⁂
Հակառակ մեր կամաց, հարկադրված ենք դարձյալ ավանակը հոլովել... բայց ոչ Հ... ի վրա, այլ Լեզվի մեկ հոդվածին վրա։
Այս բանասիրական հանդեսն, որպես կերևի, մեծ կարևորություն կուտա այս կենդանվույն ստուգաբանության։
Անոր արժանապատիվ խմբագիրն, այսինքն Լեզվի և ոչ ավանակին — քանի մը տարիներ առաջ Մասիսի մեջ հրատարակած էր հոդված մորու խորագիրն էր Ավանակը հա՞յ է: