— Սեր պչրուհի մը ո՛չ վաստկած տարիքը կըսե, ո՛չ ալ կորսնցուցած ակռաները։
— Սերը՝ բոլոր դաստիարակներու մեջեն իր աշակերտներն ամենեն ավելի հառաջ տանողն է։
— Սերը՝ տարվույն կը նմանի, ամենեն գեղեցիկ եղանակը գարունն է:
— Ամոթխածությունն առաքինության ամենեն մերձավոր ազգականն է։
— Սերը բռնավոր մէ, և ոչ մեկուն կը խնայե։
— Կնոջ վրա ամոթխածությունն ու պարկեշտությունն չեն կրնար իրարմե դատվիլ։ Երբ որ մեկն երթա, մյուսն ալ անոր կը հետևի։
— Մարդս իր ցույց տված հատկություններովը կրնա սրտեր գրավել, բայց իր ունեցած հատկություններովը միայն կրնա զանոնք հաստատ պահել։
— Իր առաքինության վրա շատ վստահող կինը միշտ զայն կորսնցնելու վտանգին մեջն է։
— Աշխատիլը՝ սիրո աղեղն ու նետերը կորզել է:
— Սերը՝ հիվանդություն մէ, որ երեք եղանակ ունի, փափագ, ստացումն, հագեցումն։
— Սիրած ժամանակ չսիրվիլը սոսկալի դժբախտություն մէ, բայց չսիրած ժամանակ սիրվիլը խիստ մեծ երջանկություն։
— Տերերն ալ սիրուհիներու պես են, ինչ ծառայություն որ ալ ըրած ըլլաս իրենց, հաճո երևալե դադրելուց պես քեզ չեն հարգեր։
— Ով որ կը կարգվի, զղջալու ճամբուն մտած է։
— Սիրո, ինչպես նաև տարիքի ծերության մեջ, մարդ կապրի թշվառությանց համար, բայց ո՛չ հաճոյից համար։
— Խոհեմությունն ու սերն իրարու հետ չեն կրնար միանալ։
— Սերը մարդուս սրտին ամենեն ազնիվ զգացումն է, վասնզի երջանկություն գտնելու համար պետք է, որ իր զգացածին չափ ալ ուրիշին հաղորդե։
⁂
— Ահա կանանց բնավորությունը կըսե Դերանս, ինչ որ կուզես չեն ուզեր, ինչ որ չես ուզեր՝ կուզեն[1]։
- ↑ Ինչ որ ազգին օգուտը կուզե, քաղաքական ժողովը չուզեր, ինչ որ ազգին օգուտը չուզեր՝ քաղաքական ժողովը կուզե։ Ծան. Հեղինակի:
