⁂
Վաթսուն տարիքին մեջ քսանհինգ տարեկան աղջկան մը հետ կարգվիլը նմանիլ է այն տգետներուն, որք գիրք ծախու կ՛առնեն միմիայն իրենց բարեկամաց ցցունելու համար։
⁂
Մարդիկ հարգածնին չեն սիրեր միշտ, կանայք ընդհակառակն, միայն սիրածնին կը հարգեն։
⁂
Այն կնիկները, որ ամուսնության մեջ կը ձանձրանան, կը նմանին բանտերուն մեջ ձանձրացող ճնճղուկներուն, որք վանդակը բացվելուն պես կը փախչին։
⁂
Մարդս սիրվելու համար կը սիրե, սիրվելու հույսը կորսվելուն պես սերը կը թռի, եթե սերը հույսով կ՛ապրի, անով ալ կը կորսվի։
⁂
Չկա գերի մը, որ սիրո գերիին չափ տանջվի։
⁂
Քսան տարու, գեղեցկադեմ և թարմ կին մը որչափ ալ հիմար ըլլա, շատ հաղթանակներ կը տանի, բայց չկրնար զանոնք պահել, երեսուն տարու, նվազ գեղեցիկ և խելացի կին մը քիլ հաղթանակներ կը տանի, բայց յուր հաղթանակները ավելի երկարատև են։
⁂
Նոր ամուսնացած մարդոց շատերը երջանկությունը լեղի դեղի մը պես կը գործածեն՝ ամենը մեկեն կուլ կուտան առանց ճաշակելու։
⁂
Աստված յուր կանխատեսությամբը կանանց մորուս չտվավ, որովհետև չպիտի կրնային լուռ կենալ ածիլված ատեննին։
