⁂
Կնիկ մը յուր շինած վեպերովը ավելի կզբոսնու, քան թե կարդացածներովը։
⁂
Գեղեցիկ կանայք մեզի հետ չխոսած ատեննին անգամ մեզի՝ համոզելու տաղանդն ունին։
⁂
Սիրտն ապականողն աչրերն են, սիրտն անմեղ պիտի ըլլար, եթե աչքերը հանցավոր չտլլային։ Աչքերը հոգվույն պատուհաններն են և մոլությունը հոնկեց ճամբա կ՝ելնե ներս մտնելու համար։
⁂
Ամուրի մը առանձին չմնալու համար կնիկ մը կը փնտռե, մինչդեռ ամուսին մը կնկանը հետ առանձին չմնալու համար ընկերություն կը փնտրե։
⁂
Հաճույքները ճախճախուտ տեղերու կը նմանին, ուսկից ստիպված է մարդս թեթևաքայլ անցնիլ և բնավ կանգ չառնել։
⁂
Երբ կնիկ մը գթալուն համար կը սիրե զիս, ավելի նախապատիվ կը սեպեմ բնավ չապրիլը, քան թե ողորմությամբ ապրիլը:
⁂
Այն, որ կը կարծե, թե ստացմամբ կրնա յուր փափագներուն հարյուրդ տալ, կը նմանի այն անմիտին, որ կերևակայե, թե հարդով կրնա կրակ մարել։
⁂
Սերը բոլոր մարդոց մեղքն է, և ցավալին այն է, որ շատ մարդիկ զղջալու տեղ այնչափ հաճությամբ կը գործեն այդ մեղքը, որչափ հաճությամբ, որ ձուկը ջուր կը խմե։
⁂
Սերր փոխանցական հիվանդություն մէ, որն իրեն ենթակա բնողները կը խելացնորե։
