⁂
Սիրահարները դողերու պես առջի բերան ավելորդ զգուշություններ կ՛ընեն, կամաց կամաց անհոգ ըլլալ կսկսին, կարևոր զգուշությունները կը մոռնան ու կը բռնվին։
⁂
Շատ մը կանայք մարզիկը միայն իրենց ֆիզիքական զորությանը և բարոյական տկարության համար կը սիրեն։
⁂
Կնիկ մը այն ատեն միայն վեպեր կարդալու է, երբ չկրնար զանոնք ի գործ դնելու փափադ ունենալ։
⁂
Կնիկ մը առանձին տեսակցության մը մեջ բարձր ձայնով կը խոսի այն մարդուն հետ, որն որ իրեն անտարբեր է. ցած ձայնով կը խոսի այն մարդուն հետ, զոր կսկսի սիրելու, և լռություն կը պահե այն մարդուն հետ, զոր կսիրե։
⁂
Կնիկներեն քիչերը չեն կրնար հաջողիլ իրենց էրիկը կառավարելով բայց էրիկ մը չկա, որ կարենա հաջողիլ յուր կնիկը կառավարելու։
⁂
Պետք է հարգել ամուսնությունը, քանի որ քավարան մէ, բայց դժոխք ըլլալուն պես պետք է լուծել։
⁂
Սիրո մեջ գիտցածնիս պահելը դժվար չէ, այլ զգացածնիս:
⁂
Սրտի կապակցությանը ինչպես նաև եղանակներու մեջ առաջին ցուրտերն ամենեն ավելի զգալի կըլլա։
