⁂
Ամենեն լավ խենթություններն անոնք են, որ քիչ կը տևեն, կըսե առածը, բայց սիրո մեջ կան խենթություններ, որք մեզի շատ երջանիկ պիտի ընեին, թե որ մշտատև ըլլային։
⁂
Շատ մը կնիկներ կան, որ ավելի սիրուն պիտի ըլլային, եթե սիրուն ըլլալնին կարենային քիչ մը մոռնալ։
⁂
Պետք է ամեն բան ներել սիրահարներուն, ինչպես նաև խենթերուն։
⁂
Չկա անհավատարիմ սիրական մը, որ անհավատարմութենեն վայրկյան մառաջ միշտ հավատարիմ մնալու երդում ըրած չըլլա։
⁂
Կանայք փախչելու հարմարություն չունին, և երբ փախչին՝ բռնվելու համար է։
⁂
Ավելի կսիրեմ կուրծքին վրա քորսե չունեցող կնիկները, քան թե քորսեին տակը կուրծք չունեցող կնիկները։
⁂
Կինը կը ներե զինքը հարձակմամբ առնողին, բայց չներեր արհամարհելով չառնողին։
⁂
Թեպետ և կնկան մը սիրտը հանելուկ մէ, բայց այս հանելուկը ավելի նվաղ դժվարությամբ կը լուծվի, քան թե պոնաբարթյան սեղանավորի մը հաշիվները։