⁂
Տեսանելի հրապույր ունեցող կնիկները գաղտնի առաքինություն ունեցող կնիկներեն վերադասելի են։
⁂
Լավ է կնկան մը բոպիկ ոտքը համբուրել, քան թե Պապին հողաթափը։
⁂
Պաղ կնիկ մը առանց կրակի վառարանի կը նմանի։
⁂
Կնկան մը աղեկ հագված չըլլալը և ուրիշներուն աղվոր հագուստներ ունենալն անոր մոռցնել տալու ամենեն դյուրին միջոցը իր հագուստը հանել տալն է։
⁂
Հոռի կնիկե մը առաջնորդվիլը հոռի ձի մը առաջնորդելու չափ վտանգավոր է։
⁂
Առիթը պտուղի կը նմանի, հասուննալուն պես փրցնելու է. անգամ մը որ ծառեն վար իյնա նե նորեն չկրնար փակցվիլ։
⁂
Սիրահարներն անբացատրելի հաճույք կզգան մինչև անգամ այն անհանգստությանը մեջ, որք մտատանջություն կը պատճառեն, և ասոր համար է, որ սիրո վրա խոսած ատեննին կըսեն, թե մյուս հաճույքները սիրո վիշտերն անգամ չեն արժեր։
⁂
Այն կնիկները, որոնք ամենեն ավելի սիրո հաճույքներն արհամարհել կը ձևացունեն, կը նմանին այն տղայոց, որք կըսեն, թե շաքարեղեն չեն սիրեր և մեծ մեծ պատառներ մեկեն բերաննին կը նետեն եթե պատահի իրենց գաղտնաբար շաքարեղեն ուտել։
