⁂
Ավելի դյուրին է, որ ինձը խայտուցը փոխե՝ քան թե մարդ յուր բնավորությունը։
⁂
Կրթությամբ մարդուս բնավորությունը կը կոկվի, բայց ո՛չ երբեք կը փոխվի։
⁂
|
⁂
Կին մը այնչափ համոզված է իրեն եղած գովեստներուն իրավացի ըլլալուն վրա, որ եթե զինքն գովողն իրեն սիրահարի՝ անոր իրավունք կուտա։
⁂
Ինչպես որ միևնույն կրոնի պաշտոնյա կղերականներու մեջ, այնպես ալ կանանց մեջ գաղտնի կապ մը կա։ Զիրար կատեն, բայց զիրար կը պաշտպան են։
⁂
Նորատի կնկան մը համար, նայվածքը աղվոր թարգման մէր որ սիրով հանձն կառնե ըսել ինչ որ բերանը չհամարձակիր արտասանելու։
⁂
Սերը չքավորներեն կը փախչի, հարուստները կը սիրե, բայց անոնց ալ հավատարիմ չէ, որովհետև հարստությունը երթալուն պես ան ալ կը թռի կերթա։
⁂
Սերը բոլոր կիրքերեն զորավոր է, որովհետև մարդուս գլուխը, սիրտը և մարմինը միանգամայն կը հարվածե։
