⁂
Հաճելի ըլլալու արվեստը կանանց համար այն արվեստներեն է, զորս գեղեցիկները առանց սորվելու կը գիտնան, իսկ տգեղներն երկար ատեն սորվելե և անոր աշակերտություն ընելե ետքը միայն կրնան գիտնալ։
⁂
Քծնող կինն յուր պարկեշտությանն վրա կը պարծի՝ ինչպես վախկոտ կին մը յուր քաջության վրա։
⁂
— Ամենաբարձր հանճարը և հատկությունը նվազ ընկերական են, որովհետև ոսկի գավազանով վաճառանոց չերթցվիր, այլ ստակով, կամ մանր մունր դրամով։
— Ինչպես որ շատ զորք ունեցող հրամանատար մը քաջ չհամարվիր, նույնպես ալ ճոխ գաղափարներ ունեցող մարդ մը խելացի չհամարվիր։
— Այն, որ ընտրողություն և անձին չափավորություն ունի, բավե՝ իրեն քիչ գրքերով գրքատուն մը, քիչ դեղերով դեղարան մը, քիչ խորտիկներով սեղան մը և քիչ բարեկամներով ընկերություն մը։
— Կեղծավորները երբեք Աստուծո չեն ծառայեր, բայց զմարդիկ խաբելու համար աստվածավախ կը ձևանան։
— Հիմարը կը խորհի, բայց միշտ յուր գործած հիմարութենեն վերջը։
— Բարեգործություն մը գեղեցիկ ձեռագործե մը լավ կարժե։
— Ագահը ամեն բանե զրկված աղքատ մ՝Է([1])։
— Տգետը միշտ հարստության պետք ունի յուր ծերության մեջ. իսկ ուսյալը՝ երբեք։
— Գիտունի մը և խելացիի մը մեջ եղած տարբերությունը այն Է, որ գիտունը կը ճանչնա և խելացին կը գործե։
— Ագահը հացագործի խանութին մեջ անոթութենե մեռնող մարդու կը նմանի։
— Աշխատե առավոտուն, որպեսզի ցորեկվան տոթին հանգչիս, նույնպես երիտասարդությանդ ատեն, որ ծերությանդ մեջ հանգիստ կյանք վայելես։
- ↑ Հազար անգամ ալ ըսած եմ, որո՞ւ կը հասկցնես։ Ծան․ հեղինակի։