— Չիյտեք կնկանս գլխուն եկածը։
— Ի՞նչ եղավ։
— Ի՜նչ պիտի ըլլա, կատղած շուն մը առջի օրը կնկանս սրունքեն կը խածնե. թեպետև հիմակու հիմա կատաղության նշան մը չկա վրան, սակայն ամեն ժամ դողի մեջ ենք, որ վրան կատաղություն չգա։
⁂
— Ի՞նչ կընես կոր, խմբագիր էֆենտի։
— Արևելյան պատերազմ կընեմ կոր։
— Հոս, խմբագրատա՞ն մեջ։
— Այո՛. սուտ լուրեր կը հնարեմ կոր։
⁂
Դատարանի մեջ
Նախագահ․ — Պարոն Ք. երկու ամիս բանտարկության դատապարտված եք։
Ք․ — Շնորհակալ եմ, պարոն նախագահ։
— Ինչո՞ւ։
— Որովհետև կինս գլխուս միսը կուտեր, որ զինքը դեղ տանիմ, ասանկ ըլլա նե՝ կնկանս ձեռքեն կը խալսիմ։
⁂
— Վա՜յ, վա՜յ... հոս եկեք էֆենտի։
— Ի՞նչ կա։
— Ձեր շունը զիս խածավ։
— Այո՛, ես ալ տեսա, բարեհահեցեք ձեր հասցեն ինձի տալու։
— Ինչո՞ւ։
— Ձեր խածնվիլը ինձի համար մեծ կարևորություն ունի։
— Ի՞նչ։
— Շունս քանի մը օրե ի վեր ան ու աս խածնել սկսելուն՝ կուղեմ զինքը չսատկցուցած հասկնալ, թե կատղա՞ծ է։
⁂
Դատարանի մեջ
Նախագահ. — Քանի՞ տարու եք պարոն։
— Դուք արդեն գիտեք պարոն նախագահ, վերջին անգամ հոս դալես հինգ տարի ավելի։